Mga Bilang 22:31 - Marahay na Bareta Biblia

³¹ Dangan binoot nin Kagurangnan na mahiling ni Balaam an anghel na nakatindog sa dalan na may kapot na espada. Nagdapa si Balaam sa daga.

Mga Bilang 22:31 ပူးပေါင်းရင်းမြစ်များ

Genesis 21:19

Dangan binukasan nin Dios an mga mata ni Hagar asin nahiling niya an sarong bubon; kaya nagduman siya asin pinano nin tubig an laogan na anit asin pinainom an saiyang aki.

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

Salmo 9:20

Gibohang matakot sinda, Kagurangnan; pasabota sinda na sinda tawo lamang.

Exodo 34:8

Nagduko tolos si Moises asin nagsamba.

Mga Bilang 22:30

Nagsabi ki Balaam an asno, “Bakong ako sana an asno na linulunadan mo sa bilog mong buhay? Ginibo ko na daw saimo an siring kaidto?” “Dai,” an simbag ni Balaam.

Mga Bilang 24:16

Kan nakakadangog kan tataramon nin Dios, Asin nakakaisi kan kadonongan kan Kahorohalangkawe. Kan nakakahiling kan bisyon kan Makakamhan, Kan natutumba, alagad malinaw an mga mata.

Mga Bilang 24:4

Kan nakakadangog kan tataramon nin Dios, Kan nakakahiling kan bisyon kan Makakamhan; Kan natutumba, alagad malinaw an mga mata.

Lukas 24:16

Maski nahihiling ninda si Jesus, dai ninda siya namimidbidan.

Lukas 24:31

Dangan nabuksan an mga mata ninda, asin namidbidan ninda siya; alagad bigla siyang nawara sa panghiling ninda.

Juan 18:6

Kan sabihon ni Jesus sainda na iyo siya si Jesus, napasibog sinda saka nagkaturumba.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Josue 5:13

Kan yaon si Josue sa harani kan Jerico, bigla siyang nakahiling nin sarong lalaki na nakatindog sa atubangan niya, na may kapot na espada. Dinolok siya ni Josue asin hinapot, “Kaapil ka nyamo o kaiwal?”

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”