Mga Bilang 22:18 - Marahay na Bareta Biblia

¹⁸ Alagad nagsimbag si Balaam, “Maski itao pa sako ni Balak an gabos na plata asin bulawan sa saiyang palasyo, dai ko pwedeng lapason an pagboot sako nin Kagurangnan na sakong Dios maski sa pinakasadit na bagay.

Mga Bilang 22:18 ပူးပေါင်းရင်းမြစ်များ

1 Mga Hade 13:8

Nagsimbag an propeta, “Maski pa itao mo sako an kabanga kan saimong kayamanan, dai ako maiba saimo; dai ako makakan nin tinapay o mainom nin tubig sa lugar na ini.

1 Mga Hade 22:14

Alagad nagsimbag si Micaias, “Sa ngaran kan buhay na Kagurangnan nasumpa ako na kun ano an itataram niya sako iyo sana an sakong itataram!”

2 Mga Cronica 18:13

Alagad nagsimbag si Micaias, “Sa ngaran kan buhay na Kagurangnan, kun ano an itinaram niya sako iyo sana an sakong itataram!”

An Libro ni Job 3:15

Kutana nagkakatorog ako siring sa mga prinsipe, na nagpano kan saindang mga harong nin bulawan saka plata,

Daniel 5:17

Nagsimbag si Daniel, “Dai mo na ako pagtawan nin mga regalo. Itao mo na sana iyan sa iba. Alagad babasahon ko para saimo an isinurat asin sasabihon ko saimo an kahulogan kaiyan.

Mga Bilang 22:19

Alagad digdi kamo magkatorog ngunyan na banggi, siring kan ginibo kan naenot saindo tanganing maaraman ko kun ano pa an itataram sako nin Kagurangnan.”

Mga Bilang 22:38

Nagsimbag si Balaam, “Uya na ako, bakong iyo? Alagad igwa daw ako nin kapangyarihan sa pagtaram? An itataram sako nin Dios iyo sana an sasabihon ko.”

Mga Bilang 22:8

Sinabihan sinda ni Balaam, “Digdi kamo magtorog ngunyan na banggi, asin sa aga isasabi ko saindo an ano man na itataram sako nin Kagurangnan.” Kaya duman nagtorog an mga lider kan Moab.

Mga Bilang 23:26

Nagsimbag si Balaam, “Bakong sinabi ko saimo na an itinaram sana nin Kagurangnan iyo an sakong gigibohon?”

Mga Bilang 24:12

Nagsimbag si Balaam, “Sinabihan ko an mga sinugo mo sako na

Mga Bilang 24:13

maski na itao mo sako an gabos na plata saka bulawan sa saimong palasyo, dai ko pwedeng lapason an pagboot nin Kagurangnan. Dai ko magigibo an sadiri kong kabotan. An itinaram sako nin Kagurangnan iyo sana an sakong sasabihon.”

Mga Gibo 8:20

Alagad sinimbag siya ni Pedro, “Matunaw ka man logod kaiba kan kwarta mo, huli ta naghohona ka na mababakal mo an regalo nin Dios!

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Josue 24:10

Alagad dai ko dinangog si Balaam kaya benedisyonan niya kamo, asin sa siring na paagi, ilinigtas ko kamo sa kamot ni Balak.