Mga Bilang 22:12 - Marahay na Bareta Biblia

¹² Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 22:12 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

2 Mga Cronica 31:10

asin sinabihan siya ni Azarias, an Halangkaw na Padi, na gikan sa pamilya ni Zadok, “Poon na magdara nin mga dolot sa Templo an mga tawo, nagkakan kami saka nabasog asin dakul pa an natada. Nagkaigwa kami kaini huli ta benendisyonan nin Kagurangnan an saiyang banwaan.”

Salmo 144:15

Maogma an banwaan na may siring na bendisyon! Maogma an banwaan na an Dios iyo an Kagurangnan!

Salmo 146:5

Maogma an tawo na an tabang iyo an Dios ni Jacob, na an paglaom yaon sa Kagurangnan na saiyang Dios.

Isaias 61:9

Magigin bantog sinda sa tahaw nin mga nasyon; an gabos na makahiling sainda makakaaram na sinda an banwaan na sakong benendisyonan.”

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Mga Bilang 22:11

na nakalakop na sa daga an sarong banwaan na hale sa Egipto. Boot niyang maldisyonon ko an banwaan na iyan para saiya, tanganing malabanan niya sinda asin mapalayas.”

Mga Bilang 22:13

Pagkaaga, nagduman si Balaam sa mga sinugo ni Balak asin nagsabi, “Magpuli na kamo. Habo akong tugotan nin Kagurangnan na mag-iba saindo.”

Mga Bilang 22:6

Dumigdi ka tolos asin maldisyon mo sinda, huli ta mas dakul sinda ki sa samo; tibaad pa madaog mi sinda asin mapalayas sa daga. Aram kong nabebendisyonan an benebendisyonan mo asin namamaldisyonon an minamaldisyon mo.”

Mga Bilang 23:23

Huli ta mayong gayuma na makakadagka ki Jacob, Mayo nin pangkukulam na makakalaban sa Israel. Masabi ngunyan an mga tawo manongod sa Israel, “Hilinga nindo kun ano an ginibo nin Dios!”

Mga Bilang 23:3

Nagsabi si Balaam ki Balak, “Tumindog ka digdi sa kataed kan saimong tinutong na atang asin mahale ngona ako ta tibaad tuparon ako nin Kagurangnan. Ipapaisi ko saimo an ano man na ipahayag niya sako.” Kaya solo siyang nagduman sa alitoktok nin sarong bulod,

Mga Bilang 23:8

Paano ko mamaldisyonon an dai minaldisyon nin Dios? Paano ko isisikwal an dai isinikwal nin Dios?

Mga Bilang 24:9

An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

Mateo 27:19

Mantang nagtutukaw si Pilato duman sa hukoman, pinatogonan siya kan saiyang agom: “Dai ka makilabot sa matanos na tawong iyan, huli ta sa pangatorogan ko kasubanggi, nagtios ako nin makuri dahel saiya.”

Roma 11:29

Dai binabawi nin Dios an saiyang mga balaog; dai niya binabago an saiyang pag-apod.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Deuteronomio 2:7

“Benendisyonan kamo nin Kagurangnan na saindong Dios sa gabos nindong gibo. Inataman niya kamo sa saindong pagparalibot sa desyerto asin inibahan niya kamo sa laog nin kwarentang taon; dai kamo nagkulang nin ano man.

Deuteronomio 23:5

Alagad dai si Balaam dinangog nin Kagurangnan na saindong Dios, asin an saiyang maldisyon ginibo nin Kagurangnan na magin bendisyon huli ta namotan niya kamo.

Deuteronomio 28:6

“Bebendisyonan nin Kagurangnan an gabos nindong gibo.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Deuteronomio 7:14

Kamo an magigin paladan sa gabos na banwaan; mayo nin magigin baog sa saindo, tawo man o hayop.