Mga Bilang 21:7 - Marahay na Bareta Biblia

⁷ Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Mga Bilang 21:7 ပူးပေါင်းရင်းမြစ်များ

Genesis 20:17

Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

1 Mga Hade 13:6

Nagsabi si Hadeng Jeroboam sa propeta, “Ipakimaherak mo ako sa Kagurangnan na saimong Dios, asin ipamibi na maomayan an sakong takyag!” Nakimaherak sa Kagurangnan an propeta asin naomayan an takyag kan hade.

2 Mga Hade 13:4

Dangan namibi si Jehoahaz sa Kagurangnan, asin dinangog nin Kagurangnan an saiyang pamibi huli ta nahiling niya kun paano pinasakitan kan hade nin Siria an Israel.

An Libro ni Job 42:10

Pakatapos na ipamibi ni Job an tolo niyang katood, itinao giraray nin Kagurangnan ki Job an rogaring kaini; dinoble niya an kayamanan ni Job.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Salmo 78:34

Kan gadanon niya an nagkapira sainda, nagbalik saiya an mga natadang buhay; nagbakle asin tudok sa puso na namibi saiya.

Exodo 10:17

Patawada ako ngunyan na sana sa pagkakasala kong ini asin ipamibi mo ako sa Kagurangnan na saindong Dios na haleon sako an magabat na padusang ini.”

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 32:30

Sunod na aldaw sinabihan ni Moises an mga tawo, “Nagkasala kamo nin makuri. Alagad matukad ako ngunyan sa bukid pasiring sa Kagurangnan; tibaad ikahagad ko kamo saiya nin tawad para sa saindong kasalan.”

Exodo 8:28

Nagsabi an hade, “Tutugotan ko kamong mag-atang sa Kagurangnan na saindong Dios duman sa kalangtadan, bastang dai kamo magrayo. Ipamibi mo ako.”

Exodo 8:4

Luluksohan ninda kamo, ika, an saimong mga opisyal asin an mga Egipcio.’”

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 37:3

Sinugo ni Hadeng Zedekias si Jehucal na aking lalaki ni Selemias, asin an padi na si Sofonias, na aking lalaki ni Maaseias, tanganing pakiolayan ako na ipamibi sa Kagurangnan na samong Dios an samong nasyon.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Mga Bilang 11:2

Nakimaherak an mga tawo ki Moises; namibi siya sa Kagurangnan asin napalsok an kalayo.

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Mga Gibo 8:24

Nagsabi si Simon ki Pedro saka ki Juan, “Pamibian man ako sa Kagurangnan, tanganing dai mangyari sako an arin man sa mga sinabi nindo.”

Roma 10:1

Mga tugang, an sakong pagmawot asin pamibi sa Dios sa bilog kong puso iyo na an kapwa ko mga Israelita makaligtas.

Deuteronomio 9:20

Anggot man siya nin makuri ki Aaron mala ta gagadanon na kuta siya, alagad ipinamibi ko man siya.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.

1 Samuel 15:30

“Nagkasala ako,” an simbag ni Saul. “Maski siring, pahilingan man giraray sa mga lider kan sakong banwaan asin sa bilog na Israel na ginagalangan mo ako. Mag-iba ka sako tanganing makapagsamba ako sa Kagurangnan na saimong Dios.”