Mga Bilang 21:6 - Marahay na Bareta Biblia

⁶ Huli kaini, nagpadara an Kagurangnan nin mga mararang halas asin siningot kan mga ini an mga tawo kaya dakul sa sainda an nagadan.

Mga Bilang 21:6 ပူးပေါင်းရင်းမြစ်များ

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Jeremias 8:17

“Magmaan kamo!” an sabi nin Kagurangnan. “Mapadara ako nin mga halas, mga rimoranon na dai mapapagaro, asin kakagaton ninda kamo.”

Ezekiel 14:15

“Pwede man na magpadara ako nin mga lalaw na hayop tanganing gadanon an mga tawo. An daga mapapano nin pag-alaman asin mayo na nin makakaagi diyan.

1 Corinto 10:9

Dai ta man dapat pagbaloon an Kagurangnan, siring kan ginibo kan iba sainda, kaya ginaradan sinda kan mga halas.

Deuteronomio 8:15

Pinangenotan niya kamo sa saindong pagbaklay sa mahiwas asin makatakot na kalangtadan na may mararang mga halas asin uyang. Duman sa alang asin daing tubig na daga, pinabulos niya para saindo an tubig hale sa matagas na gapo.