Mga Bilang 21:34 - Marahay na Bareta Biblia

³⁴ Nagtaram an Kagurangnan ki Moises, “Dai ka matakot saiya. Itatao ko siya saimo, an gabos niyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo, na nag-erok sa Hesbon.”

Mga Bilang 21:34 ပူးပေါင်းရင်းမြစ်များ

2 Samuel 5:19

Hinapot ni David an Kagurangnan, “Boot mong salakayon ko an mga Filisteo? Papangganahon mo daw ako?” Nagsimbag an Kagurangnan ki David, “Salakayon mo! Papangganahon taka!”

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

1 Mga Hade 20:28

Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

2 Mga Hade 3:18

Nagpadagos si Eliseo, “Madali sana ining gibohon nin Kagurangnan; tatawan pa niya kamo nin kapangganahan laban sa mga Moabita.

Isaias 41:13

Ako an Kagurangnan na saimong Dios; pinapakosog taka asin sinasabihan, ‘Dai ka matakot; tatabangan taka.’”

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

Deuteronomio 20:3

‘Pagdangog, Israel. Makikigera kamo ngunyan na aldaw. Magmaisog kamo; dai kamo magtakig o matakot sa saindong mga kaiwal.

Deuteronomio 3:1

“Dangan nagtukad kita pasiring sa Basan; nagluwas si Hadeng Og kaiba an gabos niyang tawohan tanganing makilaban sato duman sa Edrei.

Deuteronomio 3:11

An hadeng si Og iyo an natada sa mga Refaim. An saiyang kabaong, na gibo sa lansang, igwa nin sukol na haros duwang metro an lakbang asin apat na metro an laba sosog sa kinaugalean na sukol. Yaon pa ini sagkod ngunyan sa syudad nin Rabba sa daga kan mga Ammonita.)

Deuteronomio 31:6

Magmaisog kamo saka pakosogon nindo an saindong boot. Dai kamo matakot sainda; huli ta iibahan kamo nin Kagurangnan na saindong Dios; dai niya kamo papabayaan.”

Deuteronomio 7:17

“Dai kamo mag-isip na mas dakul ki sa saindo an mga banwaan na iyan kaya dai nindo sinda mapapahale.

Deuteronomio 7:18

Dai kamo matakot sa sainda; giromdomon nindo an ginibo nin Kagurangnan na saindong Dios sa hade asin sa bilog na Egipto.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Deuteronomio 7:24

An saindang mga hade itatao nin Kagurangnan sa saindong mga kamot. Gagadanon nindo sinda asin malilingawan na sinda. Mayo nin siisay man na makakapugol saindo; gagadanon nindo sinda gabos.

Josue 10:25

Nagsabi si Josue sa mga opisyal, “Dai kamo matakot o manluya. Magmakosog kamo asin magmaisog huli ta arog kaiyan an gigibohon nin Kagurangnan sa gabos nindong kaiwal.”

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 8:7

Dangan maluwas kamo sa saindong pinagtatagoan asin sasakopon nindo an syudad. Itatao iyan saindo nin Kagurangnan na saindong Dios.

Hukom 11:30

Nanuga siya sa Kagurangnan: “Kun itao mo sako an kapangganahan laban sa mga Ammonita,

1 Samuel 23:4

Kaya hinapot giraray ni David an Kagurangnan. Nagsimbag an Kagurangnan, “Lakaw, asin magduman ka sa Keila, huli ta papangganahon taka laban sa mga Filisteo.”