Mga Bilang 21:33 - Marahay na Bareta Biblia

³³ Nagbalik an mga Israelita asin nagpasiring sa Basan. Alagad nagluwas si Hadeng Og nin Basan, kaiba an saiyang hukbo tanganing salakayon sinda sa Edrei.

Mga Bilang 21:33 ပူးပေါင်းရင်းမြစ်များ

Salmo 135:11

Si Sihon, hade kan mga Amoreo, si Og, hade nin Basan, asin an gabos na hade sa Canaan.

Salmo 136:20

asin si Og, hade nin Basan; an saiyang pagkamoot mayo nin kataposan.

Salmo 22:12

Garo mga toro, an mga kaiwal nakapalibot sako; garo makokosog na toro nin Basan nakapalibot sinda sako.

Salmo 68:15

Dakulang bukid an bukid nin Basan, bukid nin dakul na alitoktok, an bukid nin Basan!

Salmo 68:22

Nagtaram an Kagurangnan, “Ibabalik ko sinda hale sa Basan, ibabalik ko sinda hale sa mga kairaroman nin dagat,

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Ezekiel 27:6

An mga kahoy na hamurawon nin Basan iyo an ginibo nindang mga sagwan; asin an mga salog mo gibo sa mga kahoy na aguho, na hale sa Chipre, na tinampokan nin mga marpil.

Ezekiel 39:18

Kakakanon ninda an bangkay kan mga soldados saka iinomon ninda an dugo kan mga pamayo sa kinaban, na gabos magagadan siring sa mga lalaking karnero, mga kordero, kanding, asin pinatabang mga baka.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Mga Bilang 32:33

Kaya itinao ni Moises sa mga tribu ni Gad, ni Ruben, asin sa kabanga kan tribu ni Manases an gabos na teritoryo ni Sihon na hade kan mga Amoreo asin ni Og na hade nin Basan, kaiba an mga banwa asin mga baryo sa palibot kan mga iyan.

Deuteronomio 1:4

pakatapos na daogon nin Kagurangnan si Sihon na hade kan mga Amoreo na nag-erok sa Hesbon, saka si Og na hade nin Basan na nag-erok sa Astarot asin Edrei.

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

Deuteronomio 29:7

Kan makaabot kita sa lugar na ini, sinalakay kita ni Sihon na hade kan Hesbon asin ni Og na hade kan Basan, alagad dinaog ta sinda;

Deuteronomio 32:14

Dakul na gatas itinao kan saindang mga baka asin kanding; napasainda an mga pinakamatabang karnero, baka saka kanding, an pinakamarahay na trigo, sagkod an pinakapiling arak.

Deuteronomio 4:47

dangan nasakop na ninda an saiyang daga saka an daga ni Hadeng Og nin Basan, an saro pang hadeng Amoreo na nag-erok sa sirangan kan Jordan.

Josue 12:4

Nadaog man kan mga Israelita si Hadeng Og kan Basan, saro sa mga natada sa rasa kan Refaim; nag-erok siya sa Astarot asin sa Edrei.

Josue 13:12

Sakop man kan teritoryo ninda an kahadean ni Og, an natada sa mga Refaim, na naghade sa Astarot asin Edrei. Dinaog ni Moises an mga tawong ini asin pinahale sa saindang daga.

Josue 13:30

An saindang kahirasan abot sa Mahanaim asin kaiba an Basan—an bilog na kahadean ni Og, na hade kan Basan, siring man an sesentang baryo nin Jair sa Basan.

Josue 9:10

asin an ginibo niya sa duwang hadeng Amoreo sa sirangan kan Jordan: si Hadeng Sihon kan Hesbon asin si Hadeng Og kan Basan, na nag-erok sa Astarot.