Mga Bilang 21:18 - Marahay na Bareta Biblia

¹⁸ An bubon na kinalot kan mga prinsipe, Asin kan mga lider kan mga tawo Kinalot huli kan setro saka kan saindang mga sugkod.” Naghale sinda sa kalangtadan dangan nagpasiring sa Mattana;

Mga Bilang 21:18 ပူးပေါင်းရင်းမြစ်များ

Nehemias 3:1

Arog kaini an paghirahay ninda sa naraot na kudal. An Halangkaw na Padi na si Eliasib asin an kapwa niya mga padi an naghirahay kan Trangkahan nin Karnero, nagkonsagra kaiyan asin nagbugtak kan mga trangkahan. Kinonsagra ninda an kudal sagkod sa Tore kan Sanggatos asin sa Tore ni Hananel.

Nehemias 3:5

An naghirahay kan sunod na kabtang iyo an mga lalaking taga Tekoa, alagad an mga lider kan banwang ini nagsayumang maggibo kan trabahong itinao sainda kan mga parapamahala.

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Mga Bilang 21:17

Dangan nag-awit an Israel kan awit na ini: “Paluwasa an tubig mo, O Bubon! Asin sasabaton mi iyan nin awit—

Mga Bilang 21:19

hale duman nagpadagos sinda sa Nahaliel. Hale sa Nahaliel nagpasiring sinda sa Bamot;

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Deuteronomio 33:4

Nagkukuyog kita kan Togon na itinao sato ni Moises; an pinakamahalagang pagsadiri kan satong banwaan.

Deuteronomio 5:31

Maghilig ka dangan magbalik digdi, asin itatao ko saimo an gabos kong togon saka pagboot. Itukdo mo iyan sa mga tawo tanganing otobon ninda duman sa daga na itinatao ko sainda.’

Santiago 4:12

An Dios sana an nagtatao nin togon asin siya sana an naghuhukom. Siya sana an pwedeng magligtas o maglaglag. Alagad siisay ka na naghuhukom sa saimong kapwa?