Mga Bilang 20:8 - Marahay na Bareta Biblia

⁸ “Kuahon mo an sugkod na nasa atubangan kan Kaban nin Tipan. Dangan tiponon nindo ni Aaron an bilog na komunidad. Sa atubangan ninda gabos, taraman mo an gapo na yaon duman, dangan maluwas an tubig. Sa paaging ini papaluwason mo an tubig sa gapo para sa mga tawo, tubig na maiinom ninda asin kan saindang mga hayop.”

Mga Bilang 20:8 ပူးပေါင်းရင်းမြစ်များ

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

Nehemias 9:15

“Kan sinda nagutom, tinawan mo sinda nin tinapay hale sa langit, asin nin tubig hale sa sarong gapo kan sinda napaha. Sinabihan mo sinda na sakopon an daga na pinanuga mong itatao sainda.

Salmo 105:41

Binuksan niya an sarong gapo, asin nagbulos an tubig, garo salog na nagbulos sa desyerto.

Salmo 114:8

na ginigibong sapa an gapo, asin an mga ampas ginigibong burabod.

Salmo 33:9

Kan magtaram siya, nahaman an kinaban; sa saiyang pagboot, nalalang an gabos.

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Exodo 17:9

Sinabihan ni Moises si Josue, “Magpili ka nin mga lalaki asin labanan nindo an mga Amalekita. Sa aga, matindog ako sa ibabaw kan bulod na kapot an sugkod nin Dios.”

Exodo 4:17

Daraha an sugkod na ini, na iyo an gagamiton mo sa paggibo nin ngangalasan.”

Exodo 4:2

Kaya hinapot man siya nin Kagurangnan, “Ano iyan na nakakapotan mo?” “Sarong sugkod,” an simbag ni Moises.

Exodo 4:20

Kaya ilinunad ni Moises sa asno an saiyang agom asin mga aki dangan nagpasiring sa Egipto; dara niya an sugkod na ipinadara saiya nin Dios.

Exodo 7:20

Ginibo ni Moises asin ni Aaron an ipinagboot nin Kagurangnan. Sa atubang kan hade dangan kan saiyang mga opisyal, itinaas ni Aaron an saiyang sugkod saka pinakol an tubig kan Nilo, kaya an bilog na salog nagin dugo.

Isaias 43:20

Maski an mga lalaw na hayop magalang sako; an mga lalaw na ayam saka mga ostrits maomaw sako. Kun an mga salog pabuloson ko na sa desyerto tanganing tawan nin tubig an pinili kong banwaan.

Isaias 48:21

Kan pangenotan nin Kagurangnan an saiyang banwaan sa sarong mainit asin mamarang desyerto, dai sinda nagtios nin paha. Pinaluwas niya an tubig sa gapo para sainda; binanga niya an gapo, asin nagbulos an tubig.

Mga Bilang 20:11

Pakasabi kaini, itinaas ni Moises an sugkod dangan binadolan nin duwang beses an gapo. Luminuwas an kadakul na tubig; nag-inom an gabos na tawo saka hayop.

Mga Bilang 20:7

Tinaraman nin Kagurangnan si Moises,

Mga Bilang 21:15

an mga tukadon kan mga kapantayan na minasagkod sa banwa nin Ar, asin pasiring sa pagdolonan nin Moab.”

Mga Bilang 21:18

An bubon na kinalot kan mga prinsipe, Asin kan mga lider kan mga tawo Kinalot huli kan setro saka kan saindang mga sugkod.” Naghale sinda sa kalangtadan dangan nagpasiring sa Mattana;

Mateo 21:21

“Sa katotoohan sinasabihan ko kamo,” an simbag ni Jesus. “Kun kamo magtubod saka dai nanggad magduwa-duwa, bako sanang ining ginibo ko sa kahoy na higera an magigibo nindo, kundi mapapagbotan man nindo ining bulod na ‘mahale ka asin makaapon sa dagat,’ asin mangyayari iyan.

Lukas 11:13

Kun kamo nganing mga maraot, tataong magtao nin marahay na mga bagay sa saindong mga aki, an Ama pa daw nindong langitnon an dai magtao kan Espiritu Santo sa mga naghahagad saiya?”

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Mga Gibo 1:14

Nagdanay sinda na sararo sa pagpamibi kaiba an mga babae, asin si Maria na ina ni Jesus, sagkod an mga tugang na lalaki ni Jesus.

Josue 6:20

Kaya pinatanog kan mga padi an mga trompeta. Pagkadangog kaini kan mga lalaki, nagkurahaw sinda nin makosog asin narumpag an mga kudal. Dangan tinukad kan bilog na hukbo an bulod pasiring sa syudad asin sinakop an syudad.

Josue 6:5

Dangan mapatanog sinda nin sarong halawig na tanog. Pagkadangog nindo kaiyan, makurahaw kamo gabos, asin marurumpag an gabos na kudal kan syudad. Dangan malaog sa syudad an bilog na hukbo.”

Kapahayagan 22:1

Ipinahiling pa sako kan anghel an salog kan tubig nin buhay, nagkikintab siring sa kristal, na nagbubulos hale sa trono kan Dios asin kan Kordero,

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.