Mga Bilang 20:6 - Marahay na Bareta Biblia

⁶ Binayaan sinda ni Moises saka ni Aaron asin nagpasiring sa pintoan kan Tabernakulo. Nagdapa sinda sa daga, asin nagpahiling sainda an kamurawayan nin Kagurangnan.

Mga Bilang 20:6 ပူးပေါင်းရင်းမြစ်များ

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Exodo 17:4

Kaya namibi si Moises sa Kagurangnan, “Ano an gigibohon ko sa mga tawong ini? Haros boot na ninda akong gapoon.”

Mga Bilang 12:5

dangan naghilig an Kagurangnan sa sarong hariging panganoron, nagtindog sa pintoan kan Tabernakulo dangan inapod si Aaron asin si Miriam. Nagrani sinda,

Mga Bilang 14:10

Boot kan bilog na komunidad na gapoon sinda sagkod na magadan, alagad biglang nahiling kan mga tawo sa Tabernakulo an kamurawayan nin Kagurangnan.

Mga Bilang 14:5

Dangan sa atubangan kan mga Israelita nagdapa sa daga si Moises asin si Aaron.

Mga Bilang 16:19

Tinipon ni Kora an bilog na komunidad asin nag-atubang ki Moises saka ki Aaron sa pintoan kan Tabernakulo. Dangan nagpahiling an kamurawayan nin Kagurangnan sa bilog na komunidad.

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Mga Bilang 16:4

Kan madangog ini ni Moises, nagdapa siya sa daga asin namibi.

Mga Bilang 16:42

Kan nagkatiripon na sinda gabos tanganing magprotesta ki Moises saka ki Aaron, nagsalingoy sinda sa Tabernakulo asin nahiling ninda na tinahoban idto kan panganoron dangan tuminunga an kamurawayan nin Kagurangnan.

Mga Bilang 16:45

“Humarayo kamo sa mga tawong iyan asin tutunawon ko sinda tolos!” Nagdapa sindang duwa,

Mga Bilang 20:7

Tinaraman nin Kagurangnan si Moises,

Mateo 26:39

Nag-oroenotan pa siya, nagdapa sa daga saka namibi, “Ama ko, kun mahihimo pa sana, palihisa sako an kalis na ini! Alagad bakong an kabotan ko kundi an kabotan mo an kuyogon.”

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.