Mga Bilang 20:5 - Marahay na Bareta Biblia

⁵ Tadaw ta hinale nindo kami sa Egipto asin dinara sa maraot na lugar na ini na mayong nabubuhay na ano man? Mayo digdi nin pagkakan; mayong higera, ubas o granada. Mayo minsan tubig na maiinom!”

Mga Bilang 20:5 ပူးပေါင်းရင်းမြစ်များ

Nehemias 9:21

Sa laog nin kwarentang taon sa kalangtadan, dai sinda nagkulang nin anoman; dai nagdaan an sulot nindang mga gubing asin dai naggatok an saindang mga bitis.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Ezekiel 20:36

Kokondenaron ko kamo ngunyan, siring na kinondenar ko an saindong mga ginikanan duman sa kalangtadan nin Sinai,” an olay nin Kagurangnan Dios.

Mga Bilang 16:14

Dai mo pa ngani kami nadadara sa sarong daga na mayaman sa gabos na bagay asin dai pa natatawan nin pamanang mga oma saka mga ubasan, dangan ngunyan boot mo kaming dayaon. Dai kami madiyan!”

Mga Bilang 20:24

“Dai makakalaog si Aaron sa dagang ipinanuga kong itatao sa Israel; magagadan siya huli ta dai nindo sinunod an sakong pagboot duman sa Meriba.

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Deuteronomio 8:15

Pinangenotan niya kamo sa saindong pagbaklay sa mahiwas asin makatakot na kalangtadan na may mararang mga halas asin uyang. Duman sa alang asin daing tubig na daga, pinabulos niya para saindo an tubig hale sa matagas na gapo.