Mga Bilang 20:3 - Marahay na Bareta Biblia

³ dangan nagreklamo, “Mas marahay pang nagadan na kami sa atubangan kan Tabernakulo nin Kagurangnan kaiba kan kapwa nyamo mga Israelita.

Mga Bilang 20:3 ပူးပေါင်းရင်းမြစ်များ

Salmo 106:33

Pinangagin nindang mapait an puso ni Moises, kaya dai na inisip kaini an tataramon na minaluwas sa ngoso.

Salmo 78:19

Nagtaram sinda tumang sa Dios asin nagsabi, “Makakatao daw an Dios nin kakanon sa desyerto?

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 14:3

Ano ta dadarahon pa kita nin Kagurangnan sa dagang idto? Magagadan kita sa gera asin mabibihag an satong mga agom sagkod mga aki. Bako daw na mas marahay na magbalik kita sa Egipto?”

Mga Bilang 16:49

An bilang kan mga nagkagaradan uminabot sa katorse mil, syete syentos, pwera kan nagkagaradan sa pagrebelde ni Kora.