Mga Bilang 20:29 - Marahay na Bareta Biblia

²⁹ Naaraman kan bilog na komunidad na gadan na si Aaron kaya nagmondo sinda para saiya sa laog nin treyntang aldaw.

Mga Bilang 20:29 ပူးပေါင်းရင်းမြစ်များ

Genesis 1:10

An mamarang kadagaan inapod niyang “Daga,” asin an nagkatiripon na katubigan inapod niyang “Dagat.” Nahiling nin Dios na ini marahay.

Genesis 1:5

dangan inapod niyang “Aldaw” an liwanag, asin an kadikloman inapod niyang “Banggi.” Nagkahapon dangan nagkaaga: an enot na aldaw.

Genesis 23:2

Nagadan siya sa Kiriat-arba na inaapod man Hebron sa daga nin Canaan. Ipinagmondo asin tinangisan ni Abraham an saiyang pagkagadan.

Genesis 50:10

Kan makaabot sinda sa ginikan nin Atad sa sirangan kan Jordan, haloy sindang nagtarangis nin makosog, asin sa laog nin pitong aldaw, ginibo ni Jose an mga seremonya nin pagmondo para sa saiyang ama.

Genesis 50:3

An pag-embalsamar ginibo sa laog nin kwarentang aldaw, an tamang bilang nin mga aldaw sa paggibo kaiyan. Ipinagmondo kan mga Egipcio an pagkagadan ni Jacob sa laog nin setentang aldaw.

Mga Gibo 8:2

Ilinubong si Esteban kan nagkapirang mga tawong maki-Dios, asin ipinagmondo ninda nin marahay an saiyang pagkagadan.

Deuteronomio 34:8

Pinagmondoan siya kan banwaan nin Israel duman sa kapatagan nin Moab sa laog nin treyntang aldaw.

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.