Mga Bilang 20:20 - Marahay na Bareta Biblia

²⁰ Nagsimbag an hade, “Dai kamo mag-agi!” Dangan nagluwas siya kaiba an dakul na soldados tanganing salakayon an mga Israelita.

Mga Bilang 20:20 ပူးပေါင်းရင်းမြစ်များ

Genesis 27:41

Anggot na marahay si Esau ki Jacob huli ta benendisyonan ini kan saiyang ama. Nagsaboot si Esau, “Madali na an panahon na ipagmomondo an kagadanan kan sakong ama; dangan ko gagadanon an tugang kong si Jacob.”

Genesis 32:6

Kan magbalik ki Jacob an mga sinugo, nagsabi sinda, “Nakaolay mi an tugang mong si Esau. Pasiring na siya digdi sa pagsabat saimo kaiba an kwatro syentos kan saiyang mga tawohan.”

Salmo 120:7

Ako para sa katoninongan, alagad kun ako minataram, boot ninda an ralaban.

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Mga Bilang 20:18

Alagad nagsimbag an hade kan Edom, “Dai ako matugot na mag-agi kamo sa sakong daga! Probaran nindong mag-agi asin sasalakayon ko kamo.”

Mga Bilang 20:21

Huli ta dai pinaagi kan hade kan Edom an mga Israelita, nag-agi sinda sa ibang dalan.

Hukom 11:17

Dangan nagpadara sinda nin mga sugo sa hade nin Edom tanganing tugotan sindang makaagi sa saiyang daga. Alagad habong magtugot an hade. Nagpadara man sinda nin mga sugo sa hade nin Moab alagad habo man niyang paagihon an mga Israelita sa saiyang daga. Kaya nag-ontok sa Kades an mga Israelita.

Hukom 11:20

Alagad dai sinda pinaagi ni Sihon. Tinipon ni Sihon an gabos niyang hukbo asin nagkampo sinda sa Jahaz, dangan sinalakay ninda an Israel.