Mga Bilang 20:16 - Marahay na Bareta Biblia

¹⁶ kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Mga Bilang 20:16 ပူးပေါင်းရင်းမြစ်များ

Exodo 14:10

Kan mahiling kan mga Israelita na harani na an hade saka an saiyang mga soldados, natakot sinda asin naghagad nin tabang sa Kagurangnan.

Exodo 14:19

An anghel nin Dios na nasa enotan kan hukbo nin Israel nagpahurihan. Nagpahurihan man an hariging panganoron sa mga Israelita dangan nag-ontok

Exodo 23:20

“Susugoon ko an sarong anghel na mangengenot saindo tanganing bantayan kamo sa dalan asin tanganing darahon kamo sa lugar na sakong inandam.

Exodo 33:2

Susugoon ko an sarong anghel na mangengenot saindo, asin isusubol ko paluwas an mga Cananeo, Amoreo, Heteo, Perezeo, Heveo saka Jebuseo.

Exodo 6:5

Ngunyan nadangog ko an inagrangay kan mga Israelita na inooripon kan mga Egipcio asin nagiromdoman ko an sakong tipan.

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Mga Bilang 20:15

kun paanong an samong mga ginikanan nagduman sa Egipto, saen nag-erok kami nin haloy na panahon. Inapi kami asin an samong mga ginikanan kan mga Egipcio,

Mga Bilang 21:22

“Tugotan mo kaming mag-agi sa saimong daga. Dai kami maagi sa saimong kaomahan, ni sa saimong mga ubasan; dai kami mainom kan tubig sa saimong mga bubon. Maagi sana nanggad kami sa Tinampo kan Hade sagkod na makaluwas kami sa saimong teritoryo.”

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 4:37

Pinili niya kamo huli ta namotan niya an saindong mga ginikanan; huli kan saiyang dakulang kapangyarihan, ilinuwas niya kamo hale sa Egipto.

Josue 15:1

An mga pamilya kan tribu ni Juda nag-ako kan kahirasan na daga na ilinaladawan siring kaini: An daga minapasiring sa habagat sa pinakaporo kan kalangtadan nin Zin, sa pagdolonan kan Edom.