Mga Bilang 20:15 - Marahay na Bareta Biblia

¹⁵ kun paanong an samong mga ginikanan nagduman sa Egipto, saen nag-erok kami nin haloy na panahon. Inapi kami asin an samong mga ginikanan kan mga Egipcio,

Mga Bilang 20:15 ပူးပေါင်းရင်းမြစ်များ

Genesis 15:13

Dangan nagtaram saiya an Kagurangnan, “An saimong mga kapagarakian magigin mga dayuhan sa bako nindang daga, magigin mga oripon duman asin pag-aapihon sa laog nin kwatro syentos na taon.

Genesis 46:6

Dinara ninda sa Egipto an mga hayop sagkod an mga rogaring na napasainda duman sa Canaan. Ipinag-iba ni Jacob an gabos niyang kapagarakian:

Genesis 46:7

an saiyang mga aking lalaki saka mga makoapong lalaki, an saiyang mga aking babae saka mga makoapong babae.

2 Samuel 12:18

Pakalihis nin sarong semana, nagadan an aki; natakot na magsabi ki David an saiyang mga opisyal. Olay ninda, “Kan buhay pa an aki, nakiolay kita ki David alagad dai niya kita dinangog; paano an gigibohon tang pagsabi saiya na gadan na an aki? Tibaad kun ano pa an saiyang gibohon sa saiyang sadiri!”

Exodo 1:16

“Kun kamo magpaaki sa mga babaeng Hebreyo, gadanon nindo an aki kun lalaki alagad pabayaan nindong mabuhay kun babae.”

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Exodo 12:40

Nag-erok sa Egipto an mga Israelita sa laog nin kwatro syentos treyntang taon.

Exodo 5:14

Kun minakulang an mga ladrilyong nahahaman kan mga tawo, kinukulogan kan mga Egipciong parapamahala an mga kapatas na Israelita. Minahapot sinda, “Tano ta kulang sa bilang an ginibo nindong ladrilyo ngunyan?”

Mga Bilang 11:5

Sa Egipto daing bayad kitang nagkakan nin sira. Duman igwa kita nin mga pipino, melon, sibulyas asin mga bawang.

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 20:14

Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Mga Bilang 20:16

kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Mga Gibo 7:15

Kaya nagduman si Jacob sa Egipto; duman siya nagadan saka an satong mga ginikanan.

Mga Gibo 7:19

Dinaya kan hadeng ini an satong banwaan asin ipinagboot niya sa satong mga ginikanan na itapok an saindang mga omboy tanganing magkagaradan.

Deuteronomio 26:6

Pinasakitan asin inapi kami kan mga Egipcio patin pinirit na magtrabaho siring sa mga oripon.