Mga Bilang 20:14 - Marahay na Bareta Biblia

¹⁴ Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Mga Bilang 20:14 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Genesis 25:25

Mapula an naenot asin mabarahibo an saiyang kublit siring sa gubing na anit, kaya inapod siyang Esau.

Genesis 25:26

Namundag an ikaduwa na pugol nin marahay an bool ni Esau, kaya inapod siyang Jacob. An kambal namundag kan si Isaac sesentang taon na an edad.

Genesis 32:29

Nagsabi si Jacob, “Sabihan man sako an ngaran mo.” Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.

Exodo 18:8

Ibinareta ni Moises ki Jetro an gabos na ginibo nin Kagurangnan sa hade asin sa mga Egipcio tanganing iligtas an mga Israelita. Inistorya man niya an kapagalan na namatean ninda sa paglakaw asin kun paano sinda tinabangan nin Kagurangnan.

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mga Bilang 13:26

ki Moises, ki Aaron asin sa bilog na komunidad nin Israel duman sa Kades sa kalangtadan nin Paran. Inosip ninda an saindang nahiling dangan ipinahiling ninda an mga dara nindang prutas.

Mga Bilang 20:15

kun paanong an samong mga ginikanan nagduman sa Egipto, saen nag-erok kami nin haloy na panahon. Inapi kami asin an samong mga ginikanan kan mga Egipcio,

Mga Bilang 20:22

Naghale sa Kades an bilog na komunidad nin Israel asin nakaabot sinda sa Bukid nin Hor,

Deuteronomio 23:7

“Dai kamo mauyam sa mga Edomita, huli ta mga kadugo nindo sinda. Dai kamo mauyam sa mga Egipcio, huli ta nag-erok kamo kaidto sa saindang daga.

Josue 2:10

Nadangog mi kun paano pinamara nin Kagurangnan sa atubang nindo an Dagat na Pula kan maghale kamo sa Egipto. Nabaretaan mi man kun paano nindo ginadan si Sihon asin si Og, an duwang hadeng Amoreo na taga sirangan kan Jordan.

Josue 2:9

asin nagsabi sainda, “Naaaraman ko na itinao saindo nin Kagurangnan an dagang ini. Natatakot saindo an gabos na nag-eerok digdi.

Josue 9:10

asin an ginibo niya sa duwang hadeng Amoreo sa sirangan kan Jordan: si Hadeng Sihon kan Hesbon asin si Hadeng Og kan Basan, na nag-erok sa Astarot.

Josue 9:9

Dangan nag-istorya sinda: “Hale kami sa sarong lugar na harayo nin marahay, huli ta nadangog mi an manongod sa Kagurangnan na saindong Dios. Nadangog mi an gabos na ginibo niya sa Egipto