Mga Bilang 20:12 - Marahay na Bareta Biblia

¹² Alagad tinuyaw nin Kagurangnan si Moises saka si Aaron, “Huli sa kakulangan kan saindong pagtubod na ipamidbid sa mga tawo an sakong banal na kapangyarihan, bako kamo an mangengenot sainda pasiring sa dagang ipinanuga kong itatao sainda.”

Mga Bilang 20:12 ပူးပေါင်းရင်းမြစ်များ

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Salmo 106:32

An Kagurangnan pinaanggot ninda sa katubigan nin Meriba; asin naparaot si Moises huli sa sainda.

Salmo 99:8

Kagurangnan nyamong Dios, sinimbag mo sinda; para sainda ika an Dios na nagpapatawad, alagad nagpapadusa kan saindang mga maraot na gawe.

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Isaias 8:13

Giromdoma na ako, an Kagurangnan nin mga hukbo, banal; ako an saimong dapat na matakotan.

Ezekiel 20:41

Pakatapos na iluwas ko kamo sa mga daga na pinagwarakan saindo asin pakatipona ko saindo, aakoon ko an mga sakripisyo na tututongon nindo, dangan mahihiling kan mga nasyon na ako banal.

Ezekiel 36:23

Kun ipahiling ko na sa mga nasyon an kabanalan kan dakula kong ngaran, an ngaran na dinigtaan nindo sa tahaw ninda, dangan maaaraman ninda na ako an Kagurangnan. Ako, an Kagurangnan Dios, an nagtaram. Gagamiton ko kamo tanganing ipahiling sa mga nasyon na ako banal.

Ezekiel 38:10

Ini an itinataram nin Kagurangnan Dios ki Gog, “Pag-abot kan panahon na iyan, mapoon kang magplano nin maraot.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Mga Bilang 11:15

Kun iyan an gigibohon mo, maherak ka sako asin gadanon mo na ako tanganing dai na ako magtios kan saimong pasakit.”

Mga Bilang 20:24

“Dai makakalaog si Aaron sa dagang ipinanuga kong itatao sa Israel; magagadan siya huli ta dai nindo sinunod an sakong pagboot duman sa Meriba.

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Mateo 17:17

Nagsimbag si Jesus, “Mga tawong mayo nin pagtubod asin masombikal! Sagkod nuarin ako kaibaiba nindo? Sagkod nuarin ko kamo pagtitioson? Daraha digdi sako an aki!”

Mateo 17:20

“Huli ta kulang an pagtubod nindo,” an simbag ni Jesus. “Sa katotoohan sinasabihan ko kamo, kun igwa kamo nin pagtubod na arog kan pisog nin mustasa, pwede nindong sabihon sa bulod na ini, ‘Dumuman ka sa sarong lugar’, asin maduman iyan! Mayong magigin imposible saindo. (

Lukas 1:20

Alagad huli ta dai ka nagtubod sa mga sinabi ko na mangyayari pag-abot kan talaan na panahon, mapopola ka sagkod sa aldaw na maotob an mga itinaram ko saimo.”

Lukas 1:45

Paladan ka ta nagtubod kang maootob an sinabi saimo nin Kagurangnan!”

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Roma 4:20

Dai nagluya an saiyang pagtubod manongod sa panuga nin Dios. Nagin makosog siya sa pagtubod asin inomaw niya an Dios.

Deuteronomio 1:37

Huli saindo, naanggot man sako an Kagurangnan asin nagtaram, ‘Maski ika, Moises, dai makakaabot duman.

Deuteronomio 34:4

Dangan nagtaram an Kagurangnan ki Moises, “Iyo iyan an daga na sakong ipinanuga ki Abraham, ki Isaac asin ki Jacob na itatao sa saindang mga kapagarakian. Ipinapahiling ko iyan saimo, alagad dai taka tutugotan na makaabot duman.”

Deuteronomio 4:21

Huli saindo, naanggot sako an Kagurangnan na saindong Dios, asin nagsumpa na dai ako makakabalyo sa Salog nin Jordan asin dai ako makakalaog sa marahay na daga na itinatao saindo nin Kagurangnan bilang pamana.

Josue 1:2

“An sorogoon kong si Moises gadan na. Kaya mag-andam na kamo, ika asin an gabos na Israelita, dangan balyohon nindo an Salog nin Jordan pasiring sa daga na itinatao ko sa banwaan nin Israel.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.