Mga Bilang 20:1 - Marahay na Bareta Biblia

¹ Kan enot na bulan, an bilog na komunidad nin Israel nakaabot sa kalangtadan nin Zin asin nagkampo sa Kades. Duman nagadan asin ilinubong si Miriam.

Mga Bilang 20:1 ပူးပေါင်းရင်းမြစ်များ

Genesis 14:7

Dangan nagbalik sinda asin nagduman sa Enmispat (o Kades) saka nasakop ninda an gabos na daga kan mga Amalekita asin dinaog ninda an mga Amoreo na nag-eerok sa Hazazon-tamar.

Salmo 29:8

An tingog nin Kagurangnan nakakapalinog kan desyerto; an Kagurangnan nakakapalinog kan desyerto nin Kades.

Exodo 15:20

Si Miriam, an propetang tugang ni Aaron, nagkua kan saiyang tamborin, dangan nagsurunod saiya an gabos na kababaehan na nagtutugtog kan saindang mga tamborin asin nagsasayaw.

Exodo 2:4

An aki binantayan kan tugang niyang babae sa horoharayo tanganing hilingon kun ano an mangyayari saiya.

Exodo 2:7

Nagrani sa prinsesa an tugang kan aki dangan naghapot, “Gusto mong ihanap taka nin babaeng Hebreyo na mag-aataman sa aking iyan?”

Ezekiel 47:19

“An pagdolonan sa habagat mapoon sa Tamar dangan mapasiring sa habagat-solnopan sa Meribat-Kades; dangan mapasiring sa amihan-solnopan, mamamaybay sa Sapa nin Egipto sagkod sa Dagat nin Mediteraneo.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mga Bilang 12:1

Taga Cus an naagom ni Moises kaya binasol siya ni Miriam asin ni Aaron.

Mga Bilang 12:10

asin kan maghale sa Tabernakulo an panganoron, nalakop tolos an hawak ni Miriam kan nakakatakot na helang sa kublit asin nagputi siring sa ambon. Kan mahiling idto ni Aaron,

Mga Bilang 12:15

Kaya pitong aldaw si Miriam sa luwas kan kampo, asin dai nagpadagos sa pagbaklay an mga Israelita sagkod na dai siya nakalaog giraray.

Mga Bilang 13:21

Kaya nagpasiring sa amihan an mga espiya asin siniyasat ninda an daga magpoon sa kalangtadan nin Zin sa parteng habagat sagkod sa Rehob, harani sa Dalan nin Hamat sa amihan.

Mga Bilang 13:26

ki Moises, ki Aaron asin sa bilog na komunidad nin Israel duman sa Kades sa kalangtadan nin Paran. Inosip ninda an saindang nahiling dangan ipinahiling ninda an mga dara nindang prutas.

Mga Bilang 20:16

kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Mga Bilang 20:22

Naghale sa Kades an bilog na komunidad nin Israel asin nakaabot sinda sa Bukid nin Hor,

Mga Bilang 20:28

Dangan hinuba ni Moises an sa pading mga gubing ni Aaron asin isinulot ki Eleazar. Nagadan si Aaron duman sa alitoktok kan bukid. Dangan naghilig hale sa bukid si Moises asin si Eleazar.

Mga Bilang 26:59

na an agom iyo an aking babae ni Levi na si Jokebed na namundag sa Egipto. Nagin aki ninda si Aaron, si Moises asin si Miriam.

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Deuteronomio 1:46

“Kaya pakatapos kan satuyang pag-ontok sa Kades nin haloy na panahon,

Deuteronomio 2:14

Iyo idto an ikatreynta y otsong taon pakahale ta sa Kades-barnea. Gadan na gabos an mga lalaking parapakilaban sa kapagarakian na idto, siring sa itinaram nin Kagurangnan.

Deuteronomio 32:51

huli ta dai kamo nagin maimbod sako sa atubang kan banwaan nin Israel. Dai kamo nagtubod sako asin dai nindo ako ginalangan sa atubang ninda, kan yaon kamo duman sa katubigan nin Meriba, harani sa banwa nin Kades sa desyerto nin Zin.

Hukom 11:16

Iyo ini an nangyari: pakahale sa Egipto kan mga Israelita, nag-agi sinda sa kalangtadan pasiring sa Dagat na Pula sagkod na makaabot sa Kades.