Mga Bilang 2:2 - Marahay na Bareta Biblia

² An lambang Israelita makampo sa irarom kan bandera kan saiyang dibisyon asin kan bandera kan saiyang kamaganakan. Itutugdok ninda an kampo sa palibot asin paatubang sa Tabernakulo.

Mga Bilang 2:2 ပူးပေါင်းရင်းမြစ်များ

Salmo 74:4

Nagkurahaw sa laog kan Templo an saimong mga kaiwal; nagpatindog nin mga bandera duman bilang tanda nin panggana.

Salmo 76:11

Otobon nindo sa Kagurangnan na saindong Dios, an saindong panuga saiya. Gabos na nasyon sa palibot magdara nin mga dolot sa saiya na maninigong katakotan,

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Zacarias 9:16

Pag-abot kan aldaw na iyan, ililigtas nin Kagurangnan an saiyang banwaan, siring kan pagligtas nin sarong pastor sa saiyang mga karnero na nasa pag-alaman. Magliliwanag sinda sa saiyang daga arog sa mamahalon na bato sa sarong korona.

Mga Bilang 1:50

kundi gibohon mo sindang paraataman kan Tabernakulo asin kan mga kagamitan kaini; sinda an madara kan Tabernakulo sagkod kan mga kagamitan kaiyan, maglilingkod diyan patin makampo sa palibot kaiyan.

Mga Bilang 10:14

asin sa lambang pagbaklay ninda, an nangengenot iyo an nasa irarom kan bandera kan dibisyon na pinapamayohan kan tribu ni Juda na an lider iyo si Nason na aki ni Amminadab.

Mga Bilang 10:18

An masunod iyo an mga nasa irarom kan bandera kan dibisyon na pinamamayohan kan tribu ni Ruben na an lider iyo si Elizur na aki ni Sedeur.

Mga Bilang 10:22

Masunod an nasa irarom kan bandera kan dibisyon na pinamamayohan kan tribu ni Efraim na an lider iyo si Elisama na aki ni Ammihud.

Mga Bilang 10:25

An nasa irarom kan bandera kan dibisyon na pinamamayohan kan tribu ni Dan, na iyo an nasa hurihan asin iyo an panlikod na bantay kan gabos na dibisyon, iyo an huring malakaw, sa pamamayo ni Ahiezer na aki ni Ammisaddai.

Mga Bilang 2:1

Itinao nin Kagurangnan ki Moises saka ki Aaron an minasunod na mga katukdoan.

Mga Bilang 2:10

An mga grupo na nasa irarom kan bandera kan dibisyon ni Ruben makampo sa parteng habagat, sa irarom kan saindang mga lider, siring sa minasunod: Tribu Lider Bilang Ruben si Elizur na aking lalaki ni Sedeur kwarenta y seis mil kinyentos Simeon si Selumiel na aking lalaki ni Zurisaddai singkwenta y nuebe mil tres syentos Gad si Eliasaf na aking lalaki ni Deuel kwarenta y singko mil seis syentos singkwenta An kabilogan na bilang kan dibisyon ni Ruben minaabot sa syento singkwenta y uno mil kwatro syentos singkwenta. Sinda an ikaduwang malakaw.

Mga Bilang 2:3

An mga grupo na nasa irarom kan bandera kan dibisyon ni Juda makampo sa parteng sirangan, sa irarom kan saindang mga lider, siring sa minasunod: Tribu Lider Bilang Juda si Nason na aking lalaki ni Amminadab setenta y kwatro mil seis syentos Issakar si Netanel na aking lalaki ni Zuar singkwenta y kwatro mil kwatro syentos Zabulon si Eliab na aking lalaki ni Helon singkwenta y syete mil kwatro syentos An kabilogan na bilang kan dibisyon ni Juda minaabot sa syento otsenta y seis mil kwatro syentos. Sinda an enot na malakaw.

Mga Bilang 24:2

asin nahiling niya an Israel na tribu-tribung nakakampo. Dangan uminabot saiya an espiritu nin Dios,

1 Corinto 14:33

Huli ta an Dios bakong Dios nin karibokan kundi nin katoninongan. Siring sa kaugalean sa simbahan kan mga banal,

1 Corinto 14:40

An gabos dapat na gibohon nindo sa tama saka sa husay na paagi.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Colosas 2:19

Habo na siyang magpasakop ki Cristo na iyo an payo kan hawak. Si Cristo an nagpapakosog kan bilog na hawak na nagkakasararo huli kan mga ngalongaloan saka mga ugat; asin nagtatalubo iyan sosog sa boot nin Dios.

Josue 3:4

Dai pa kamo nakadigdi kaidto, kaya sinda an matukdo saindo kan dalan. Alagad dai kamo magrani sa Kaban nin Tipan; magpahuri kamo nin mga sarong kilometro.”