Mga Bilang 19:9 - Marahay na Bareta Biblia

⁹ Dangan sarong malinig na lalaki an mapunpon kan abo kan baka asin ibubugtak niya iyan sa sarong malinig na lugar sa luwas kan kampo. Sasarayon an abo para sa komunidad nin Israel tanganing gamiton sa pag-andam kan tubig na panhale kan pagkanimaati. An seremonyang ini ginigibo sa paghale nin kasalan.

Mga Bilang 19:9 ပူးပေါင်းရင်းမြစ်များ

Levitico 15:20

An ano man na saiyang matukawan o mahigdaan sa panahon na iyan magigin maati man.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Mga Bilang 19:13

An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 19:17

Tanganing mahale an pagkanimaati, makua sinda nin dikit na abo kan tinutong na dolot para sa kasalan, ibubugtak ninda iyan sa sarong koron dangan sasalakan nin preskong tubig.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mga Bilang 19:3

Itao nindo an baka ki Eleazar na padi asin darahon iyan sa luwas kan kampo dangan bunoon sa saiyang atubang.

Mga Bilang 19:8

Kaipuhan labahan man kan lalaking nagtutong kan baka an saiyang mga gubing; magkarigos siya, alagad magigin maati man siya sagkod magbanggi.

Mga Bilang 6:12

Idudusay niya giraray an saiyang sadiri sa Kagurangnan bilang sarong Nazireo. An mga naenot na aldaw dai ibibilang, huli ta nadigtaan an konsagrado niyang buhok. Bilang pantubos sa kasalan, madara siya nin sarong kordero na sangtaon pa sana an edad.

Mga Bilang 8:7

Ini an gibohon mo sa paglinig sainda: wirikan mo sinda kan tubig na panlinig dangan aarisan ninda an saindang bilog na hawak, lalabahan an saindang mga gubing, asin magigin malinig na sinda.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

Hebreyo 9:13

Kun an pagwirik kan dugo nin kanding, toro saka abo nin tinutong na ogbon na baka nakakalinig sa mga tawong maati,