Mga Bilang 19:3 - Marahay na Bareta Biblia

³ Itao nindo an baka ki Eleazar na padi asin darahon iyan sa luwas kan kampo dangan bunoon sa saiyang atubang.

Mga Bilang 19:3 ပူးပေါင်းရင်းမြစ်များ

Levitico 16:27

An toro asin an kanding na ginamit para sa dolot sa kasalan na kinuahan kan dugo na dinara sa Kabanal-banaleng Lugar, dadarahon sa luwas kan kampo dangan tututongon. Tututongon an anit, an laman, saka an bituka.

Levitico 24:14

“Daraha an lalaking iyan sa luwas kan kampo. An gabos na nakadangog saiya kan maglanghad siya, madoon kan saindang kamot sa saiyang payo, sa pagpatotoo na nagkasala siya. Dangan gagapoon siya kan bilog na komunidad sagkod na magadan.

Levitico 4:11

Alagad kukuahon niya an anit kan hayop kaiba an gabos na laman, an payo, an mga bitis asin an mga bituka sagkod an gabos na nasa laog kan hawak kan hayop dangan

Levitico 4:12

dadarahon niya iyan gabos sa luwas kan kampo, sa sarong malinig na lugar na pinag-uulaan kan abo, asin duman niya iyan tututongon sa ibabaw kan nagkakalayong kahoy.

Levitico 4:21

Dangan dadarahon niya an hayop sa luwas kan kampo asin tututongon niya duman, siring kan ginibo niya sa hayop na idinolot para sa kasalan. Iyo iyan an dolot na mahale kan kasalan kan mga tawo.

Mga Bilang 15:36

Kaya dinara siya kan bilog na komunidad sa luwas kan kampo asin ginapo sagkod na nagadan, siring sa pagboot nin Kagurangnan ki Moises.

Mga Bilang 19:9

Dangan sarong malinig na lalaki an mapunpon kan abo kan baka asin ibubugtak niya iyan sa sarong malinig na lugar sa luwas kan kampo. Sasarayon an abo para sa komunidad nin Israel tanganing gamiton sa pag-andam kan tubig na panhale kan pagkanimaati. An seremonyang ini ginigibo sa paghale nin kasalan.

Mga Bilang 3:4

Alagad nagadan si Nadab saka si Abihu kan magdolot sinda sa Kagurangnan nin bakong banal na kalayo duman sa Desyerto nin Sinai. Dai sinda nin mga aki, kaya naglingkod bilang mga padi si Eleazar asin si Itamar sagkod na buhay pa si Aaron na saindang ama.

Mga Bilang 5:2

“Pagbotan mo an mga Israelita na iluwas sa kampo an gabos na may nakakatakot na helang sa kublit, an mga pinag-aawasan asin an mga maati sosog sa Katogonan, patin an gabos na nagin maati huli sa pagduta sa sarong gadan.