Mga Bilang 19:20 - Marahay na Bareta Biblia

²⁰ Alagad an tawong nagin maati asin dai maglinig kan saiyang sadiri magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan asin dai na siya ibibilang na kaayon sa banwaan nin Dios.

Mga Bilang 19:20 ပူးပေါင်းရင်းမြစ်များ

Genesis 17:14

An siisay man na lalaki na bakong serkomsisyonado dai ibibilang na kaayon sa sakong banwaan, huli ta dai niya inotob an pakipagtipan sako.”

Exodo 30:33

An siisay man na maggibo nin lanang arog kaini o maglahid kaini sa bako man padi, dai na ibibilang na kaayon sa sakong banwaan.’”

Levitico 15:31

Tinaraman nin Kagurangnan si Moises na patanidan an mga Israelita manongod kan saindang kaatian ta tibaad magkagaradan sinda kun saindang maatian an Tabernakulo nin Kagurangnan na nasa tahaw kan kampo.

Levitico 17:16

Kun dai niya iyan gibohon, magkakasala siya.

Levitico 22:4

“Mayo nin siisay man sa kapagarakian ni Aaron na igwang nakakatakot na helang sa kublit o helang na turo an pwedeng magkakan kan arin man sa mga banal na dolot, sagkod na dai pa siya nagigin malinig. Magigin maati an siisay man na padi kun makadotdot siya nin ano man na maati arog baga sa sarong gadan o sa sarong lalaking linuluwasan nin sadiring banhi,

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Mga Bilang 19:13

An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.

Markos 16:16

An magtubod saka mabunyagan, makakaligtas; an dai magtubod, kokondenaron.

2 Pedro 3:14

Kaya mga namomotan, mantang naghahalat kamo kan Aldaw na iyan, hingowahon nindong magin malinig kamo o mayong kaninan sa atubang nin Dios asin namumuhay kamo sa katoninongan.

Kapahayagan 22:11

Pabayae sanang magpadagos sa gibong maraot an mga tawong maraot; sa gibong maati an mga maati; an marahay, magpadagos sa gibong marahay; asin an banal, sa gibong banal.”