Mga Bilang 19:2 - Marahay na Bareta Biblia

² na itao sa mga Israelita an minasunod na pagsusundon. Magdara kamo nin pulang baka na mayo nin kaninan asin dai pa lamang nasasakalan.

Mga Bilang 19:2 ပူးပေါင်းရင်းမြစ်များ

Exodo 12:5

An pilion nindo pwedeng kordero o kanding alagad kaipuhan na sarong taon an edad kaiyan asin mayo nin kaninan.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Mga Panambitan 1:14

“Itinala niya an sakong mga kasalan dangan iginakod sa sarong sakal, na ibinugtak sa sakuyang abaga, na nagin dahelan kan sakong panluluya. Itinao ako nin Kagurangnan sa kamot kan mga kaiwal, na dai ko kayang labanan.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 14:6

Pakatapos, kukuahon niya an ikaduwang gamgam asin ibubuntog sa dugo kan ginadan na gamgam, kaiba an pedaso nin kahoy na sedro, an pulang pisi asin an isopo.

Mga Bilang 19:1

Pinagbotan nin Kagurangnan si Moises saka si Aaron,

Mga Bilang 19:6

Dangan makua siya nin kahoy na sedro, sarong sanga nin isopo, asin sarong pulang lubid; an mga iyan itatapok niya sa kalayong pinagtututongan kan baka.

Mga Bilang 31:21

Sinabihan kan pading si Eleazar an mga lalaking nagbalik hale sa gera, “Iyo ini an mga pagsusundon na itinao nin Kagurangnan ki Moises.

Lukas 1:35

Nagsimbag an anghel, “Mahilig saimo an Espiritu Santo asin lilindongan ka kan kapangyarihan kan Kahorohalangkaweng Dios. Kaya banal an ipapangaki mo na aapodon Aki nin Dios.

Deuteronomio 21:3

Dangan an mga lider kan banwa na pinakaharani sa lugar na nakuahan kan bangkay mapili nin sarong torilyong baka na dai pa ginamit sa pagtrabaho.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.

1 Pedro 2:22

Dai siya nagkasala; dai nanggad siya nagtaram nin putik.

Kapahayagan 1:5

asin hale ki Jesu-Cristo, an maimbod na saksi, na iyo an enot na binuhay liwat, saka iyo man an kagsakop kan mga hade sa kinaban. Namomotan kita ni Cristo. Sa paagi kan saiyang dugo, kinalda niya kita sa satong mga kasalan.

1 Samuel 6:7

Kaya mag-andam kamo nin bagong kariton asin duwang baka na dai pa nasasakalan; igakod nindo an mga ini sa kariton dangan alawon nindo pabalik sa toril an saindang mga ogbon.