Mga Bilang 19:19 - Marahay na Bareta Biblia

¹⁹ Sa ikatolo asin sa ikapitong aldaw, wiwirikan niya an maating tawo. Sa ikapitong aldaw, lilinigan niya an tawo, na pakalaba kaini kan mga gubing asin pakakarigos, magigin malinig pagsolnop kan aldaw.

Mga Bilang 19:19 ပူးပေါင်းရင်းမြစ်များ

Genesis 2:2

Kan matapos nin Dios an gabos niyang gibo, nagpahingalo siya sa ikapitong aldaw.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Levitico 14:7

Dangan pitong beses niyang wiwirikan kan dugo an tawong lilinigan kan helang sa kublit, asin ipapahayag niyang malinig na ini. Pakatapos, papalayogon niya sa kaawagan an buhay na gamgam.

Levitico 14:9

Sa ikapitong aldaw, aarison niya giraray an saiyang buhok sa payo, an saiyang barabas, an saiyang kiray asin an gabos na buhok na yaon sa saiyang hawak. Lalabahan niya an saiyang gubing saka makarigos dangan magigin malinig na siya.

Mga Bilang 19:12

Sa ikatolo asin sa ikapitong aldaw, kaipuhan linigan niya an saiyang sadiri kan tubig na panlinig dangan magigin malinig siya. Alagad kun dai niya linigan an saiyang sadiri sa ikatolo saka sa ikapitong aldaw, dai siya magigin malinig.

Mga Bilang 19:13

An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mga Bilang 31:19

Kamo gabos na nakagadan asin nakakapot nin gadan kaipuhan mag-erok sa luwas kan kampo sa laog nin pitong aldaw. Sa ikatolo asin sa ikapitong aldaw, linigan nindo an saindong sadiri, sagkod an saindong mga bihag.

Mga Bilang 31:24

Sa ikapitong aldaw kaipuhan labahan nindo an saindong mga gubing; dangan magigin malinig na kamo asin tutugotan nang maglaog sa kampo.”

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Judas 1:23

iligtas nindo an iba sa paagi kan pag-agaw sainda sa kalayo. Siring man maherak kamo sa iba, alagad mag-ingat kamo; kaongisan nindo maski an gubing na nadigtaan kan saindang kadustaan.