Mga Bilang 19:18 - Marahay na Bareta Biblia

¹⁸ Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mga Bilang 19:18 ပူးပေါင်းရင်းမြစ်များ

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Salmo 51:9

Hare paghilinga an sakong mga kasalan; paraa an sakong mga kasombikalan.

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Mga Bilang 19:17

Tanganing mahale an pagkanimaati, makua sinda nin dikit na abo kan tinutong na dolot para sa kasalan, ibubugtak ninda iyan sa sarong koron dangan sasalakan nin preskong tubig.

Mga Bilang 19:19

Sa ikatolo asin sa ikapitong aldaw, wiwirikan niya an maating tawo. Sa ikapitong aldaw, lilinigan niya an tawo, na pakalaba kaini kan mga gubing asin pakakarigos, magigin malinig pagsolnop kan aldaw.

Mga Bilang 19:9

Dangan sarong malinig na lalaki an mapunpon kan abo kan baka asin ibubugtak niya iyan sa sarong malinig na lugar sa luwas kan kampo. Sasarayon an abo para sa komunidad nin Israel tanganing gamiton sa pag-andam kan tubig na panhale kan pagkanimaati. An seremonyang ini ginigibo sa paghale nin kasalan.

Juan 17:17

Pakabanalon mo sinda sa katotoohan; an tataramon mo katotoohan.

Juan 17:19

Huli sa sainda, kinokonsagra ko an sakong buhay, tanganing sinda man makonsagra sa katotoohan.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.

Hebreyo 9:19

Ipinahayag ngona ni Moises sa mga tawo an mga pagboot kan Katogonan. Pakatapos, nagkua siya nin dugo kan mga toro saka mga kanding, sinalakan niya iyan nin tubig dangan winirikan an libro kan Katogonan patin an gabos na tawo sa paagi kan paggamit nin telang lana saka sarong sanga nin isopo.