Mga Bilang 19:13 - Marahay na Bareta Biblia

¹³ An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 19:13 ပူးပေါင်းရင်းမြစ်များ

Exodo 30:33

An siisay man na maggibo nin lanang arog kaini o maglahid kaini sa bako man padi, dai na ibibilang na kaayon sa sakong banwaan.’”

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Ezekiel 44:26

Pakatapos na malinigan niya giraray an nadigtaan niyang sadiri, kaipuhan maghalat siya nin pitong aldaw,

Levitico 15:31

Tinaraman nin Kagurangnan si Moises na patanidan an mga Israelita manongod kan saindang kaatian ta tibaad magkagaradan sinda kun saindang maatian an Tabernakulo nin Kagurangnan na nasa tahaw kan kampo.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 22:3

Kun an siisay man sa saiyang kapagarakian sa gabos na henerasyon, mantang maati, magdolok sa banal na mga dolot na dinara sako kan mga Israelita, siya dai na nanggad makapaglilingkod sa altar. Ako an Kagurangnan.

Levitico 22:4

“Mayo nin siisay man sa kapagarakian ni Aaron na igwang nakakatakot na helang sa kublit o helang na turo an pwedeng magkakan kan arin man sa mga banal na dolot, sagkod na dai pa siya nagigin malinig. Magigin maati an siisay man na padi kun makadotdot siya nin ano man na maati arog baga sa sarong gadan o sa sarong lalaking linuluwasan nin sadiring banhi,

Levitico 5:17

Kun an sarong tawo dai tuyong magkasala huli sa paglapas kan arin man sa mga pagboot nin Kagurangnan, babayadan niya an kasalan na iyan.

Levitico 5:3

Kun an sarong tawo dai tuyong makaduta sa anoman na bagay na maati na gikan sa tawo, magkakasala siya sa oras na maaraman niya an saiyang naginibo.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 7:20

An tawong bakong malinig alagad kuminakan kaiyan, dai na ibibilang na kaayon sa banwaan nin Dios.

Levitico 7:21

An siisay man na kumakan kan idinolot na karne pakatapos na siya makaduta sa ano man na maati, tawo man o hayop, dai na ibibilang na kaayon sa banwaan nin Dios.

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Mga Bilang 19:14

Iyo ini an pagsusundon kun may magadan sa laog nin tolda: an lumaog sa tolda asin an yaon duman magigin maati sa laog nin pitong aldaw.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mga Bilang 19:19

Sa ikatolo asin sa ikapitong aldaw, wiwirikan niya an maating tawo. Sa ikapitong aldaw, lilinigan niya an tawo, na pakalaba kaini kan mga gubing asin pakakarigos, magigin malinig pagsolnop kan aldaw.

Mga Bilang 19:20

Alagad an tawong nagin maati asin dai maglinig kan saiyang sadiri magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan asin dai na siya ibibilang na kaayon sa banwaan nin Dios.

Mga Bilang 19:9

Dangan sarong malinig na lalaki an mapunpon kan abo kan baka asin ibubugtak niya iyan sa sarong malinig na lugar sa luwas kan kampo. Sasarayon an abo para sa komunidad nin Israel tanganing gamiton sa pag-andam kan tubig na panhale kan pagkanimaati. An seremonyang ini ginigibo sa paghale nin kasalan.

Mga Bilang 8:7

Ini an gibohon mo sa paglinig sainda: wirikan mo sinda kan tubig na panlinig dangan aarisan ninda an saindang bilog na hawak, lalabahan an saindang mga gubing, asin magigin malinig na sinda.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.

Juan 8:24

Kaya sinabi ko saindo na magagadan kamo sa saindong mga kasalan. Kun dai kamo magtubod na talagang ‘Ako Iyo Ako,’ magagadan kamo sa saindong mga kasalan.”

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:11

Pabayae sanang magpadagos sa gibong maraot an mga tawong maraot; sa gibong maati an mga maati; an marahay, magpadagos sa gibong marahay; asin an banal, sa gibong banal.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.