Mga Bilang 18:8 - Marahay na Bareta Biblia

⁸ Tinaraman nin Kagurangnan si Aaron, “Giromdoma na itinatao ko saimo an gabos na espesyal na regalo na idinodolot sako, an dolot na dai tinutong bilang mga sakripisyo. Itinatao ko iyan saimo asin sa saimong kapagarakian bilang saindong kahirasan sagkod lamang.

Mga Bilang 18:8 ပူးပေါင်းရင်းမြစ်များ

2 Mga Hade 12:16

An kwartang itinatao para sa mga dolot nin kabayadan asin mga dolot para sa kasalan dai ilinalaog sa kahon; sadiri iyan kan mga padi.

2 Mga Cronica 31:4

Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

2 Mga Cronica 31:5

Kan makalakop an pagboot, an banwaan nin Israel nagdara nin mga dolot hale sa pinakamarahay na trigo, arak, lana nin oliba, dugos saka iba pang bunga kan kaomahan. Nagtao man sinda nin himoloan kan gabos na pagsadiri ninda.

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Exodo 29:21

Kumua ka nin dikit na dugo na nasa altar saka dikit na lana, dangan wirikan mo si Aaron asin an saiyang mga gubing, an mga aki niya saka an saindang mga gubing. Dangan si Aaron asin an saiyang mga aki patin an saindang mga gubing makokonsagra na sako.

Exodo 29:28

Sagkod pa man ini an sakong pagboot na kun madolot an mga tawo kan dolot para sa katoninongan, an daghan saka an hita kan hayop lalaenon para sa mga padi. Ini an dolot sako kan mga tawo.

Exodo 29:29

“Pagkagadan ni Aaron, an saiyang mga gubing na sa padi itatao sa saiyang mga aki, dangan isusulot ninda kun sinda lahidan nin lana asin ordenan.

Exodo 40:13

Sulotan mo si Aaron kan mga banal na gubing, lahidan mo siya nin lana asin konsagrahon tanganing makapaglingkod siya sako bilang padi.

Exodo 40:15

dangan lahidan mo nin lana, arog kan ginibo mo sa saindang ama, tanganing maglingkod sinda sako bilang mga padi. An banal na paglahid na ini iyo an makonsagra sainda sa daing kataposan na pagpadi sa gabos na henerasyon.”

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Levitico 21:10

“An Halangkaw na Padi inulaan sa payo kan lanang panlahid asin kinonsagra tanganing magsulot kan mga gubing na sa padi, kaya kaipuhan dai niya pagbayaan na dai masukray an saiyang buhok o na paggision an saiyang gubing sa pagpahiling na siya nagmomondo.

Levitico 23:20

Dadarahon kan padi an tinapay kaiba an duwang lalaking karnero asin iiitaas iyan gabos bilang sarong espesyal na regalo sa Kagurangnan para sa mga padi. An mga dolot na iyan banal.

Levitico 6:16

An matatadang arina saka lana gigibohon na tinapay na mayo nin lebadura asin kakakanon kan mga padi sa sarong banal na lugar, duman sa patyo kan Tabernakulo. Itinao na iyan nin Kagurangnan sa mga padi bilang saindang kahirasan sa mga dolot na pagkakan. Banal iyan arog kan mga dolot para sa kasalan asin kan dolot na kabayadan.

Levitico 6:18

Sa maabot pang mga panahon, an gabos na aking lalaki ni Aaron pwedeng kumakan kaiyan bilang kahirasan ninda sa pagkakan na idinolot sa Kagurangnan. Magigin banal an siisay man na dumotdot kaiyan.

Levitico 6:20

para sa pag-orden bilang padi kan saro sa mga aki ni Aaron. Sa aldaw na ordenan siya, matao siya sa Kagurangnan nin sarong kilong arina bilang dolot (pareho kadakul kan itinatao sa aroaldaw na dolot na pagkakan). An kabanga kaiyan idodolot niya pagkaaga, asin an kabanga pagkabanggi.

Levitico 6:26

An padi na madolot kan hayop iyo an makakan kaiyan duman sa banal na lugar, sa patyo kan Tabernakulo.

Levitico 7:14

Makua siya nin saro sa manlaen-laen na klase nin tinapay na dara niya bilang espesyal na dolot sa Kagurangnan; magigin sadiri iyan kan padi na maula kan dugo kan dolot para sa katoninongan.

Levitico 7:28

Tinawan pa nin Kagurangnan si Moises kaining mga pagsusundon

Levitico 7:6

An lambang lalaki na kaayon sa mga pamilya kan padi pwedeng kumakan kaiyan alagad kaipuhan na kakanon niya iyan sa sarong lugar na banal huli ta iyan orog kabanal.

Levitico 8:30

Kuminua si Moises nin kadikit kan lanang panlahid saka kadikit kan dugo na nasa altar dangan winirikan niya si Aaron asin an saiyang mga aking lalaki patin an saindang mga sulot na gubing. Sa paaging ini kinonsagra niya sinda asin an saindang mga gubing sa Kagurangnan.

Mga Bilang 18:9

Sa mga dolot na orog kabanal na dai tinutong sa altar, an minasunod iyo an saimong kahirasan: an dolot na pagkakan, an dolot para sa kasalan, asin an dolot nin kabayadan. Mapapasaimo asin sa mga aki mo an gabos na idinodolot sako bilang sarong sagradong dolot.

Mga Bilang 5:9

An lambang banal na dolot na dinadara kan mga Israelita sa padi magigin sadiri kan padi.

1 Corinto 9:13

Aram man sana nindo na an mga Judio na naglilingkod sa Templo nagkukua kan saindang kakanon sa Templo, dangan an mga nagdodolot nin mga atang sa altar igwa nin kahirasan sa mga atang.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:6

Duman nindo idodolot an saindong mga tinutong na atang asin an iba pang mga sakripisyo, an saindong mga himoloan saka mga dolot, an saindong mga panugang regalo, an saindong mga boluntad na dolot sagkod an mga matua kan saindong mga baka asin mga karnero.

Deuteronomio 18:1

“An mga pading Levita, an bilog na tribu ni Levi, dai tatawan nin kahirasan sa daga nin Israel; mabubuhay sinda sa mga dolot asin sa iba pang sakripisyo na itinatao sa Kagurangnan.

Deuteronomio 26:13

Dangan magsabi kamo sa atubang nin Kagurangnan na saindong Dios, ‘Hinale ko na sa sakong harong an banal na himoloan, asin itinao ko na sa mga Levita, mga dayuhan, mga ilo asin mga babaeng balo siring sa ipinagboot mo; dai ko linapas an saimong mga togon saka dai ko liningawan an saimong mga pagboot manongod sa himoloan.

Hebreyo 1:9

Namomoot ka sa katanosan asin naoongis sa karatan; kaya linahidan ka nin Dios, na saimong Dios, kan lana nin kaogmahan orog ki sa ibang mga hade.”

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.