Mga Bilang 18:7 - Marahay na Bareta Biblia

⁷ Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Mga Bilang 18:7 ပူးပေါင်းရင်းမြစ်များ

Salmo 115:10

Mga padi nin Dios, magsarig kamo sa Kagurangnan. Siya an saindong tabang asin kalasag.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 29:9

hagkosan mo an saindang habayan dangan bugtakan mo nin turban an saindang payo. Iyan an gigibohon mo sa pagkonsagra ki Aaron asin kan saiyang mga aki. Sinda asin an saindang mga kapagarakian an maglilingkod sako bilang padi sagkod pa man.

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Ezekiel 44:16

Sinda sana an makakalaog sa Templo, malingkod sa sakong altar asin mamamahala sa pagsamba na gigibohon sa Templo.

Ezekiel 44:8

Dai ninda inataman an banal na mga bagay sa sakong Templo, asin an mga dayuhan pa an saindang pinaataman kaiyan.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Levitico 7:35

Sa pagkakan na idinolot sa Kagurangnan, iyo iyan an kahirasan na itinao ki Aaron asin sa saiyang mga aki kan aldaw na sinda ordenan bilang mga padi.

Mga Bilang 1:51

Kun maliwat kamo nin kampo, an mga Levita an matangkas kan Tabernakulo asin matugdok kaiyan sa bagong lugar. An magrani sa Tabernakulo pwera sainda, gagadanon.

Mga Bilang 16:40

bilang sarong pagiromdom sa mga Israelita na an siisay man na bakong gikan sa kapagarakian ni Aaron, dai dapat magrani sa altar tanganing magtutong nin insenso para sa Kagurangnan, huli ta makakaarog siya ki Kora sagkod sa saiyang mga kairiba. An gabos na ini ginibo sosog sa ipinagboot nin Kagurangnan ki Eleazar huli ki Moises.

Mga Bilang 18:20

Tinaraman nin Kagurangnan si Aaron, “Dai ka magkakaigwa nin kahirasan asin kabtang sa daga kan mga Israelita. Ako, an Kagurangnan, iyo an saimong kahirasan, an saimong kabtang.”

Mga Bilang 18:3

Malingkod sinda saimo asin magibo kan gabos na trabaho sa Tabernakulo, alagad dai nanggad sinda magduta sa mga sagradong bagay sa laog kan Banal na Lugar o sa altar tanganing sinda saka ika dai magadan.

Mga Bilang 3:10

Si Aaron asin an saiyang mga aki iyo an italaga mong maglingkod bilang mga padi; an siisay pa man na maggibo kan katongdan na iyan gagadanon.”

Mga Bilang 3:38

Si Moises saka si Aaron asin an mga aki kaini iyo an makampo sa parteng sirangan, sa atubangan kan Tabernakulo. Sinda an mamamahala sa gigibohon na mga seremonya sa laog kan Tabernakulo para sa banwaan nin Israel. Pwera sainda, an siisay man na maggibo kaiyan gagadanon.

Mateo 10:8

Bolongon nindo an mga naghehelang, buhayon liwat an mga gadan, linigan an mga daoton, asin paluwason an mga demonyo. Nag-ako kamo na mayo nin bayad, kaya magtao man kamo na mayo nin bayad.

Juan 3:27

Sinabihan sinda ni Juan, “Mayo nin maaako an tawo pwera kan itatao saiya nin Dios.

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Deuteronomio 18:2

Mayo sindang masasadirihan na daga, bakong arog sa ibang mga tribu; an kahirasan ninda iyo an Kagurangnan, siring sa saiyang panuga sainda.

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

Josue 18:7

Alagad an mga Levita dai mag-aako kan daga huli ta an kahirasan ninda iyo an maglingkod bilang mga padi nin Kagurangnan; dai na man hihirasan an mga tribu ni Gad, ni Ruben asin ni Manases sa sirangan huli ta nag-ako na sinda kan saindang daga sa sirangan kan Jordan na itinao sainda ni Moises, an sorogoon nin Kagurangnan.”

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

1 Pedro 5:3

bako bilang mga kagurangnan kan nasasakopan nindo, kundi mga aarogan kan ariponpon.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.