Mga Bilang 18:5 - Marahay na Bareta Biblia

⁵ Ika asin an saimong mga aki iyo sana an magibo kan katongdan para sa Banal na Lugar asin sa altar tanganing an sakong kaanggotan dai mag-abot sa banwaan nin Israel.

Mga Bilang 18:5 ပူးပေါင်းရင်းမြစ်များ

1 Mga Cronica 23:24

Iyo ini an mga kapagarakian ni Levi, sosog sa saindang mga kamaganakan asin mga pamilya. Nakalista an ngaran kan lambang saro sainda na an edad magpoon beynte paitaas; igwa man sinda nin trabaho sa Templo nin Kagurangnan.

1 Mga Cronica 23:32

Sinda an mamamahala kan Tabernakulo asin kan Templo. Tatabangan ninda an mga aking lalaki ni Aaron, na saindang mga kadugo, sa paglingkod sa Templo.

1 Mga Cronica 24:5

Huli ta anas igwa nin mga opisyal kan templo saka mga opisyal nin Dios an kapagarakian ni Eleazar asin ni Itamar, an pag-organisar sainda ginibo sa paagi nin ripa.

1 Mga Cronica 9:19

Si Sallum na aking lalaki ni Kore asin makoapo ni Ebiasaf, kairiba an saiyang mga kadugo na kabilang sa kamaganakan ni Kora, iyo an namamahala sa pagbantay kan pintoan kan Tabernakulo, arog kan ginibo kan saindang mga ginikanan kan an mga ini iyo an nagbantay kan kampo nin Kagurangnan.

1 Mga Cronica 9:23

Sinda asin an saindang kapagarakian iyo an namahala sa pagbantay kan mga trangkahan kan harong nin Kagurangnan na iyo an Templo.

1 Mga Cronica 9:33

An ibang mga pamilya kan mga Levita iyo an parakanta sa Templo. An mga pamayo kan mga pamilyang ini nag-erok sa mga kwarto kan Templo, asin libre sinda sa ibang trabaho tanganing pwedeng apodon sa aldaw asin sa banggi.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Jeremias 23:15

“Kaya iyo ini an sinasabi ko, an Kagurangnan nin mga hukbo, manongod sa mga propeta nin Jerusalem: Pakakakanon ko sinda nin mapait na mga tinanom asin paiinomon ko sinda nin hudong, huli ta iwinarak ninda an bakong diosnon na pamumuhay sa bilog na daga.”

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Ezekiel 44:16

Sinda sana an makakalaog sa Templo, malingkod sa sakong altar asin mamamahala sa pagsamba na gigibohon sa Templo.

Levitico 10:6

Sinabihan ni Moises si Aaron asin an mga aki kaining si Eleazar saka si Itamar, “Dai nindo pagpabayaan na dai masukray an saindong buhok asin dai nindo paggision an saindong mga gubing sa pagpahiling na kamo nagmomondo. Kun gibohon nindo iyan, magagadan kamo asin maaanggot an Kagurangnan sa bilog na banwaan. Alagad tinutugotan an kapwa nindo Israelita na ipagmondo an kagadanan na ini huli sa ipinadarang kalayo nin Kagurangnan.

Levitico 24:3

Aldaw-bangging aatamanon ni Aaron an ilawan na ibinugtak sa luwas kan kurtina, sa atubangan kan Kaban nin Tipan, sa laog kan Tabernakulo. Saro ining pagboot na ootobon kan gabos nindong kapagarakian sagkod pa man.

Zacarias 10:3

Nagtataram an Kagurangnan, “Naaanggot ako sa mga dayuhan na idto na namamayo sa sakong banwaan, kaya papadusahan ko sinda. Sadiri ko an banwaan nin Juda, asin ako, an Kagurangnan nin mga hukbo, an maataman sa sainda. Sinda an magigin mapangyari kong mga kabayong panggera.

Mga Bilang 1:50

kundi gibohon mo sindang paraataman kan Tabernakulo asin kan mga kagamitan kaini; sinda an madara kan Tabernakulo sagkod kan mga kagamitan kaiyan, maglilingkod diyan patin makampo sa palibot kaiyan.

Mga Bilang 1:53

Alagad an mga Levita makampo sa palibot kan Tabernakulo sa pagbantay kaiyan, tanganing mayo nin makadolok diyan na magigin dahelan kan pagkaanggot ko sa bilog na komunidad nin Israel.”

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mga Bilang 18:4

Matrabaho sinda sa kaibahan mo asin gigibohon ninda an saindang katongdan sa Tabernakulo, alagad an bakong Levita dai pwedeng magtrabaho sa kaibahan mo.

Mga Bilang 4:18

“Dai nindo pagbayaan an kamaganakan ni Kohat

Mga Bilang 8:19

asin itinatao ko sinda ki Aaron saka sa mga aki niya, bilang sarong regalo na gikan sa mga Israelita, tanganing maglingkod sa Tabernakulo para sa banwaan nin Israel, asin tanganing ikalikay an mga Israelita sa maraot na mangyayari kun magrani sinda sa Banal na Lugar.”

Mga Bilang 8:2

“Sabihan mo si Aaron na pagbugtak niya kan mga ilawan sa kandelero, kaipuhan magliwanag an mga iyan pasiring sa atubangan.”

1 Timoteo 1:18

Timoteo, aki ko sa pagtubod, ipinapaniwala ko saimo an pagboot na ini sosog sa mga ipinagpropesiya kaidto dapit saimo. Gamiton mong armas an mga ipinagpropesiya dapit saimo tanganing makalaban ka nin marahay;

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

1 Timoteo 5:21

Sa atubang nin Dios asin ni Cristo Jesus, patin kan mga banal na anghel, pinagbobotan taka na otobon an mga pagsusundon na ini na mayong pinapalaen o pinapaorog.

1 Timoteo 6:20

Timoteo, ingatan mo an mga bagay na ipinaniwala saimo. Likayan mo an kinabanon na mga tataramon asin mga mayong kahulogan na pasuruhay dapit sa “pakaaram” siring sa salang pag-apod kaiyan kan iba.