Mga Bilang 18:31 - Marahay na Bareta Biblia

³¹ Kamo asin an saindong pamilya pwedeng kumakan kan natada minsan saen na lugar, huli ta iyo iyan an saindong bayad sa paglingkod sa Tabernakulo.

Mga Bilang 18:31 ပူးပေါင်းရင်းမြစ်များ

Mga Bilang 18:30

Kun ikadolot na nindo an pinakamarahay na kabtang, saindo na an matatada, siring na sadiri na kan paraoma an natada pakatapos niyang magdolot.

Mga Bilang 18:32

Dai kamo magkakasala sa pagkakan kan natada kun ikinadolot na nindo an pinakamarahay. Alagad dai nanggad nindo pagbasang-basangon an mga sagradong dolot kan mga Israelita huli sa pagkakan kan arin man kaiyan bago nindo idinolot an pinakamarahay na kabtang; kun gibohon nindo iyan, magagadan kamo.”

Mateo 10:10

Dai kamo magdara nin bag, o sanglean na gubing, o sandalyas, o sugkod. An trabahador dapat tawan kan saiyang mga kaipuhan.

Lukas 10:7

Diyan kamo mag-erok sa harong na iyan; magkakan kamo saka mag-inom kan anoman na itao saindo, huli ta an trabahador maninigong bayadan. Dai kamo magburubalyo sa manlaen-laen na harong.

2 Corinto 12:13

Ano an ginibo ko sa ibang simbahan na dai ko ginibo saindo, pwera sana kan dai ko paghagad nin tabang saindo? Patawada nindo ako kan pagkukulang kong ini!

Galacia 6:6

Dapat hirasan kan tawong tinutukdoan kan mensahe nin Dios an saiyang maestro kan gabos na marahay na bagay na yaon saiya.