Mga Bilang 18:30 - Marahay na Bareta Biblia

³⁰ Kun ikadolot na nindo an pinakamarahay na kabtang, saindo na an matatada, siring na sadiri na kan paraoma an natada pakatapos niyang magdolot.

Mga Bilang 18:30 ပူးပေါင်းရင်းမြစ်များ

Genesis 43:11

Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras.

Genesis 50:10

Kan makaabot sinda sa ginikan nin Atad sa sirangan kan Jordan, haloy sindang nagtarangis nin makosog, asin sa laog nin pitong aldaw, ginibo ni Jose an mga seremonya nin pagmondo para sa saiyang ama.

Exodo 29:27

“An daghan asin an hita kan karnerong ginagamit sa ordenasyon iitaas sako bilang sarong espesyal na dolot asin lalaenon para ki Aaron saka sa saiyang mga aki.

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”

Mga Bilang 18:29

Idolot nindo sa Kagurangnan an pinakamarahay na dolot na saindong inako.

Mga Bilang 18:31

Kamo asin an saindong pamilya pwedeng kumakan kan natada minsan saen na lugar, huli ta iyo iyan an saindong bayad sa paglingkod sa Tabernakulo.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.