Mga Bilang 18:3 - Marahay na Bareta Biblia

³ Malingkod sinda saimo asin magibo kan gabos na trabaho sa Tabernakulo, alagad dai nanggad sinda magduta sa mga sagradong bagay sa laog kan Banal na Lugar o sa altar tanganing sinda saka ika dai magadan.

Mga Bilang 18:3 ပူးပေါင်းရင်းမြစ်များ

Ezekiel 44:13

Dai sinda maglilingkod bilang mga padi ni makakarani sa arin man na bagay na banal para sako, ni makakalaog sa Kabanal-banaleng Lugar. Iyo ini an padusa para sa makauuyam na mga bagay na saindang ginibo.

Mga Bilang 1:51

Kun maliwat kamo nin kampo, an mga Levita an matangkas kan Tabernakulo asin matugdok kaiyan sa bagong lugar. An magrani sa Tabernakulo pwera sainda, gagadanon.

Mga Bilang 1:53

Alagad an mga Levita makampo sa palibot kan Tabernakulo sa pagbantay kaiyan, tanganing mayo nin makadolok diyan na magigin dahelan kan pagkaanggot ko sa bilog na komunidad nin Israel.”

Mga Bilang 16:40

bilang sarong pagiromdom sa mga Israelita na an siisay man na bakong gikan sa kapagarakian ni Aaron, dai dapat magrani sa altar tanganing magtutong nin insenso para sa Kagurangnan, huli ta makakaarog siya ki Kora sagkod sa saiyang mga kairiba. An gabos na ini ginibo sosog sa ipinagboot nin Kagurangnan ki Eleazar huli ki Moises.

Mga Bilang 18:4

Matrabaho sinda sa kaibahan mo asin gigibohon ninda an saindang katongdan sa Tabernakulo, alagad an bakong Levita dai pwedeng magtrabaho sa kaibahan mo.

Mga Bilang 18:7

Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Mga Bilang 3:25

Sinda an mga mamamahala kan Tabernakulo, kan pang-irarom asin pang-ibabaw na tahob kaiyan, kan kurtinang panlipod sa pintoan kan Tabernakulo,

Mga Bilang 3:31

Sinda an mamamahala kan Kaban nin Tipan, kan lamesa, kan kandelero, kan mga altar, sagkod kan mga kasangkapan na ginagamit kan mga padi sa Banal na Lugar, patin kan kurtinang panlipod sa pintoan kan Kabanal-banaleng lugar. Sainda an gabos na trabaho na may kinaaraman sa mga bagay na ini.

Mga Bilang 3:36

An itinao saindang trabaho iyo an pag-ataman kan mga tabla kan Tabernakulo, kan mga trabisanyo, mga harigi, mga patungtongan, mga kawit asin mga siningsing. Sinda an mangangataman kan mga iyan.

Mga Bilang 31:30

Hale sa kahirasan kan komunidad, kuahon mo an saro sa lambang singkwentang tawo, siring man sa baka, asno, karnero saka kanding. Itao nindo an mga iyan sa mga Levita na iyo an mga namamahala kan Tabernakulo nin Kagurangnan.”

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.