Mga Bilang 18:15 - Marahay na Bareta Biblia

¹⁵ “An gabos na matua, tawo man o hayop, na idinodolot sako kan mga Israelita, magigin saimo. Alagad mag-ako ka nin bayad na pantubos kan lambang matuang Israelita asin mag-ako ka man nin bayad para sa lambang matua kan maating hayop.

Mga Bilang 18:15 ပူးပေါင်းရင်းမြစ်များ

2 Mga Hade 12:5

An lambang padi iyo an namahala sa kwartang dinara kan saiyang pinaglingkodan. Dangan an kwarta gagamiton ninda sa paghirahay kan Templo sa oras na may mahiling digdi na dapat hirahayon.

Nehemias 10:37

Dadarahon mi sa mga padi sa Templo an tinagba kan enot na trigo na samuyang inani, kan samuyang arak, lana nin oliba asin kan gabos na bunga nin kahoy. An himoloan kan samuyang mga tinanom itatao nyamo sa mga Levita, na iyo an nagkokolekta kaiyan sa samong mga banwa.

Exodo 13:15

Kan nagmatagas an hade asin habo niya kaming tugotan na humale, ginadan nin Kagurangnan an lambang matuang lalaki sa daga nin Egipto, tawo man o hayop. Ini an dahelan kun tadaw ta inaatang mi sa Kagurangnan an lambang matuang lalaking hayop, alagad tinutubos mi an samong mga matuang aking lalaki.

Exodo 13:2

“Ikonsagra nindo sa sako an gabos na matuang lalaki, huli ta rogaring ko an lambang matuang lalaking Israelita asin an lambang matuang lalaking hayop.”

Exodo 22:29

“Dai nindo pag-abalahon an pagdolot nin mga tinagba kan saindong inani, kan saindong arak asin kan lana na hale sa mga oliba. “Itao nindo sakuya an saindong matuang aking lalaki.

Exodo 34:20

Tutuboson nindo nin lalaking karnero an lambang matuang asno. Kun dai nindo tutuboson, babarion nindo an liog kaiyan. Balukaton nindo an lambang matuang aking lalaki. “Mayo nin magdolok sako na daing darang dolot.

Mga Bilang 18:16

Tutuboson an mga aki sa edad na sarong bulan asin sa halagang limang pedaso nin plata, sosog sa kinaugalean na timbang kan Tabernakulo.

Mga Bilang 3:46

Huli ta an mga panganay na lalaki kan Israel sobra nin dos syentos setenta y tres ki sa mga Levita, kaipuhan ipatubos mo an sobrang mga aki.

Deuteronomio 15:19

“Konsagrahon nindo para sa Kagurangnan na saindong Dios an gabos na matuang lalaking baka asin karnero; dai nindo paggamiton sa trabaho an arin man sa mga bakang iyan, asin dai man nindo pagguntingan an arin man sa mga karnerong iyan.