Mga Bilang 18:1 - Marahay na Bareta Biblia

¹ Tinaraman nin Kagurangnan si Aaron, “Ika, an saimong mga aki, sagkod an mga Levita iyo an magtitios sa ano man na kasalan na igwa nin relasyon sa paglingkod sa Tabernakulo; alagad ika asin an saimong mga aki sana an magtitios sa ano man na kasalan na igwa nin relasyon sa pagigin padi.

Mga Bilang 18:1 ပူးပေါင်းရင်းမြစ်များ

Exodo 28:38

Mamumugtak ini sa angog ni Aaron; siya an maako kan anoman na nagibong kasalan sa pagdolot kan mga tawo kan saindang atang. Danay na mamumugtak sa angog ni Aaron an koronang ini tanganing akoon ko an saindang atang.

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Ezekiel 4:4

“Dangan maghigda ka na nakatagilid sa wala, asin ibubugtak ko saimo an padusa kan nasyon nin Israel. Arog kaiyan an magigin kamugtakan mo asin magtitios ka huli kan saindang kasalan sa laog nin tres syentos nubentang aldaw, pareho kan bilang kan mga taon nin pagpadusa ko sainda.

Levitico 10:17

“Tadaw ta dai nindo kinakan sa sarong banal na lugar an dolot para sa kasalan? Orog iyan kabanal asin itinao na saindo nin Kagurangnan tanganing mahale an kasalan kan mga tawo.

Levitico 22:16

huli sa pagpakakan kaiyan sa mga bakong maninigo; magdadara iyan nin kasalan asin padusa sa tawong iyan. Ako an Kagurangnan asin ako an nagpapabanal kan mga dolot.”

Levitico 22:9

“Kaipuhan otobon kan gabos na padi an itinao kong mga pagboot, tanganing dai sinda magkasala asin magadan huli sa paglapas ninda kaiyan. Ako an Kagurangnan na nagpapabanal sainda.

Mga Bilang 14:34

Babayadan nindo an saindong kasalan sa laog nin kwarentang taon, sangtaon sa lambang aldaw kan kwarentang aldaw na ipinagsiyasat nindo kan daga. Maaaraman nanggad nindo an kahulogan kan pagtumang nindo sako!

Mga Bilang 16:10

Itinao niya saindo saka sa ibang mga Levita an onrang iyan, asin ngunyan boot pa nindong kuahon an pagkapadi.

Mga Bilang 17:13

Kun an siisay man na magrani sa Tabernakulo kaipuhan na magadan, garo na man sana kami gadan gabos!”

Mga Bilang 17:3

dangan isurat mo an ngaran ni Aaron sa sugkod kan tribu ni Levi. An lambang lider kan tribu magkakaigwa nin sarong sugkod.

Mga Bilang 17:7

Ibinugtak ni Moises an mga sugkod sa atubangan kan Kaban nin Tipan sa laog kan Tabernakulo.

Mga Bilang 18:11

“Mapapasaimo man an iba pang espesyal na regalo na idinodolot sako kan mga Israelita. Itinatao ko iyan saimo, sa saimong mga aking lalaki saka aking babae bilang saindong kahirasan sagkod lamang. Pwedeng kumakan kaiyan an lambang malinig na kaayon kan saimong pamilya.

Mga Bilang 3:6

“Darahon mo digdi an tribu ni Levi, dangan italaga mo sinda bilang mga katabang ni Aaron na padi.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Hebreyo 13:17

Kuyogon nindo an saindong mga lider saka sunodon nindo an saindang mga pagboot. Dai sinda nag-oontok sa pagbantay kan saindong mga kalag, huli ta aram nindang matao sinda nin kwenta sa Dios kan saindang paglingkod saiya. Kun kuyogon nindo sinda, maogma nindang gigibohon an saindang katongdan; kun dai, mamondo nindang gigibohon iyan asin mayo iyan nin pakinabang para saindo.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

Hukom 17:12

Ginibo siyang padi ni Micas asin duman na siya nag-erok.