Mga Bilang 17:8 - Marahay na Bareta Biblia

⁸ Sunod na aldaw, kan maglaog sa tabernakulo si Moises, nahiling niya na nagtubo an sugkod ni Aaron, an sugkod na para sa tribu ni Levi. Nagdahon ini, namurak asin namunga nin hinog na mga almendras.

Mga Bilang 17:8 ပူးပေါင်းရင်းမြစ်များ

Genesis 40:10

na igwa nin tolong sanga. Kan magdahon an mga sanga, namurak tolos ini dangan naghirinog an mga ubas.

Salmo 110:2

Ipapadara nin Kagurangnan hale sa Sion an setro nin saimong kapangyarihan. Maghade ka sa tahaw kan saimong mga kaiwal!

Awit nin mga Awit 2:3

Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Ezekiel 17:24

An gabos na kahoy sa daga makakaaram na ako an Kagurangnan. Pinapalod ko an mga halangkaw na kahoy asin pinapahalangkaw an mga hababang kahoy. Pinapaalang ko an mga berdeng kahoy, asin pinapangagin berde an mga alang na kahoy. Ako, an Kagurangnan, an nagtaram, asin gigibohon ko iyan.”

Ezekiel 19:12

Alagad ginabot ini nin anggot na mga kamot dangan itinapok sa daga. An mga bunga kaini naalang sa huyop kan doros na hale sa sirangan. Binari an mga sanga kaini, naalang dangan sinulo.

Ezekiel 19:14

Nasulo an poon kaini; natutong an mga sanga asin mga bunga. An mga sanga dai na nanggad magigin makosog, dai na nanggad magigin mga setro nin hade. Saro ining awit nin panambitan; danay ining inaawit.

Mga Bilang 16:5

Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Mga Bilang 17:9

Kinua ni Moises an mga sugkod dangan ipinahiling sa mga Israelita. Nahiling ninda an nangyari, asin kinua kan lambang lider an saiyang sugkod.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.