Mga Bilang 17:3 - Marahay na Bareta Biblia

³ dangan isurat mo an ngaran ni Aaron sa sugkod kan tribu ni Levi. An lambang lider kan tribu magkakaigwa nin sarong sugkod.

Mga Bilang 17:3 ပူးပေါင်းရင်းမြစ်များ

Exodo 6:16

Si Levi igwa nin tolong aking lalaki: si Gerson, Kohat, asin si Merari; sinda an mga kamaganakan na nagdadara kan saindang mga ngaran. Si Levi nabuhay sa laog nin syento treynta y syeteng taon.

Exodo 6:20

Inagom ni Amram si Jokebed na tugang na babae kan saiyang ama; nagin mga aki ninda si Aaron asin si Moises. Nabuhay si Amram sa laog nin syento treynta y syeteng taon.

Jeremias 42:20

na magabat an ginigibo nindong karatan. Hinagad nindo sako na mamibi sa Kagurangnan na satong Dios para saindo, saka nanuga kamo na gigibohon nindo an gabos na pagboot niya.

Ezekiel 37:16

“Aki nin tawo, kumua ka nin taldok dangan suratan mo iyan kan mga tataramon na ini: ‘An kahadean nin Juda.’ Dangan kumua ka nin saro pang taldok asin suratan mo kan mga tataramon na ini: ‘An kahadean nin Israel.’

Mga Bilang 17:2

“Sabihan mo an mga Israelita na tawan ka nin doseng sugkod, saro hale sa lider kan lambang tribu. Isurat mo an ngaran kan lambang lider sa saiyang sugkod

Mga Bilang 17:4

Darahon mo sa Tabernakulo an mga sugkod asin ibugtak mo sa atubangan kan Kaban nin Tipan, sa lugar na pinagtutuparan ko saimo.

Mga Bilang 18:1

Tinaraman nin Kagurangnan si Aaron, “Ika, an saimong mga aki, sagkod an mga Levita iyo an magtitios sa ano man na kasalan na igwa nin relasyon sa paglingkod sa Tabernakulo; alagad ika asin an saimong mga aki sana an magtitios sa ano man na kasalan na igwa nin relasyon sa pagigin padi.

Mga Bilang 18:7

Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Mga Bilang 26:10

Nagbuka an daga dangan hinalon sinda. Nagadan sinda kaiba si Kora asin an mga kairiba niya kan masulo an dos syentos singkwentang kalalakihan; sinda nagin sarong patanid para sa mga tawo.