Mga Bilang 16:9 - Marahay na Bareta Biblia

⁹ Sadit pa daw na bagay para saindo na linaen kamo sa komunidad nin Israel kan Dios nin Israel tanganing makadolok kamo saiya, makagibo kan saindong katongdan sa Tabernakulo nin Kagurangnan asin makapaglingkod sa komunidad?

Mga Bilang 16:9 ပူးပေါင်းရင်းမြစ်များ

Genesis 30:15

Nagsimbag si Lea, “Dai ka pa nakontento sa pag-agaw kan sakong agom? Ngunyan gusto mo pang kuahon an mga mandragora kan sakong aki?” Nagsimbag si Rachel, “Kun itao mo sako an mga mandragora kan saimong aki, pwede mong dorogan si Jacob ngunyan na banggi.”

2 Samuel 7:19

Alagad dakul pa an ginigibo mo para sako, O Kagurangnan Dios; nagtaram ka man manongod sa sakuyang kapagarakian sa maabot na panahon. Ipinahiling mo ini sa sarong tawo, O Kagurangnan Dios!

2 Mga Cronica 35:3

Hinulitan niya an mga Levita, an mga paratukdo nin Israel, na kinonsagra para sa Kagurangnan. Sinabihan niya sinda, “An banal na Kaban nin Tipan ibugtak nindo sa Templo na ipinatugdok ni Solomon na aki ni David. Dai na nindo iyan pagparadarahon sa manlaen-laen na lugar, kundi paglingkodan nindo an Kagurangnan na saindong Dios asin an Israel na saiyang banwaan.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Ezekiel 34:18

An iba saindo bako sanang nagkakakan kan marahay na sabsabon kundi tinitimaktimakan pa nindo an ibang mga sabsabon. Iniinom nindo an malinig na tubig, asin pinapalabog nindo an tubig na dai nindo iniinom!

Ezekiel 44:16

Sinda sana an makakalaog sa Templo, malingkod sa sakong altar asin mamamahala sa pagsamba na gigibohon sa Templo.

Mga Bilang 1:53

Alagad an mga Levita makampo sa palibot kan Tabernakulo sa pagbantay kaiyan, tanganing mayo nin makadolok diyan na magigin dahelan kan pagkaanggot ko sa bilog na komunidad nin Israel.”

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 16:8

Sinabihan pa ni Moises si Kora, “Pagdangog kamong mga Levita!

Mga Bilang 3:6

“Darahon mo digdi an tribu ni Levi, dangan italaga mo sinda bilang mga katabang ni Aaron na padi.

Mga Bilang 3:9

An katongdan sana kan mga Levita iyo an maglingkod ki Aaron saka sa mga aki niya.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

1 Corinto 4:3

Mayong halaga para sako kun hatolan nindo ako o kan arin man na hukoman nin tawo. Dai ngani ako naghuhukom kan sadiri ko.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

1 Samuel 18:23

Kaya isinabi ninda ini ki David. Nagsimbag si David, “Sarong dakulang onra an magin manugang kan hade, dakulang marahay para sa sarong arog sakong dukha asin mayong halaga.”