Mga Bilang 16:5 - Marahay na Bareta Biblia

⁵ Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Mga Bilang 16:5 ပူးပေါင်းရင်းမြစ်များ

Salmo 105:26

Dangan sinugo niya si Moises na saiyang sorogoon, asin si Aaron na saiyang pinili.

Salmo 115:10

Mga padi nin Dios, magsarig kamo sa Kagurangnan. Siya an saindong tabang asin kalasag.

Salmo 65:4

Paladan an saimong pinili asin dinara sa saimong santwaryo tanganing duman mag-erok. Tama na para samo an pagkamarahayon nin saimong harong, nin saimong banal na Templo.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 28:41

Gubingan mo kaiyan si Aaron na saimong tugang asin an saiyang mga aki, dangan lahidan mo sinda nin lana, ordenan saka konsagrahon, tanganing maglingkod sinda sako bilang mga padi.

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Jeremias 49:19

Arog sa sarong leon na minaluwas sa kadlagan kan Jordan asin minapasiring sa berdeng dagang pasabsaban, maabot ako dangan bigla kong papadulagon an mga taga Edom hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Jeremias 50:44

“Arog sa sarong leon na minaluwas sa kadlagan nin Jordan asin minapasiring sa berdeng dagang pasabsaban, maabot ako, saka bigla kong isusubol an mga taga Babilonia hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Ezekiel 40:46

asin an kwartong atubang sa amihan iyo an para sa mga padi na naglilingkod sa altar. An gabos na padi naggikan ki Zadok; sa mga kaayon sa tribu ni Levi, sinda sana nanggad an tinutugotan na makarani sa Kagurangnan asin maglingkod saiya.

Ezekiel 43:19

An mga padi na kaayon sa tribu ni Levi asin gikan sa pamilya ni Zadok iyo sana an madolok sako tanganing maglingkod. Ako, an Kagurangnan Dios, an nagboboot kaini. Tatawan mo sinda nin sarong torilyong baka na isasakripisyo bilang dolot para sa kasalan.

Ezekiel 45:4

Iyan an banal na kabtang kan daga, na linaen para sa mga padi na naglilingkod sa Kagurangnan sa saiyang Templo. Iyan an lugar para sa mga harong kan mga padi asin para sa Templo.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 8:2

“Ipag-iba mo si Aaron saka an saiyang mga aking lalaki duman sa may pintoan kan Tabernakulo, asin darahon mo man an mga gubing na sa padi, an panlahid na lana, an torilyong baka para sa dolot sa kasalan, an duwang lalaking karnero, sagkod an basket nin tinapay na mayo nin lebadura.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Mga Bilang 16:3

Nagtiripon sinda sa atubang ni Moises saka ni Aaron, dangan nagsabi, “Sobra na an gibo nindo! Sadiri nin Kagurangnan an gabos na kaayon sa komunidad asin kaibahan siya kan gabos. Tadaw ta nagpapalangkaw kamo sa komunidad nin Kagurangnan?”

Mga Bilang 16:6

Kumua kamo nin insensaryo sa aga, bugtakan nindo nin baga asin insenso, dangan darahon sa altar. Mahihiling nyato kun siisay sato an pinili nin Kagurangnan. Sobra na kamong mga Levita!”

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Mga Bilang 17:8

Sunod na aldaw, kan maglaog sa tabernakulo si Moises, nahiling niya na nagtubo an sugkod ni Aaron, an sugkod na para sa tribu ni Levi. Nagdahon ini, namurak asin namunga nin hinog na mga almendras.

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Mga Gibo 1:2

sagkod na isinakat siya sa langit. Bago siya isinakat sa langit, an mga apostol na saiyang pinili hinulitan niya sa paagi kan Espiritu Santo.

Mga Gibo 1:24

Dangan namibi sinda, “Kagurangnan, aram mo an nasa puso kan gabos na tawo. Kaya tukdoan samo kun siisay sa duwang ini an pinili mo

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Mga Gibo 15:7

Pakatapos nin halawig na debate, nagtindog si Pedro asin nagsabi, “Mga tugang, aram nindo na kaidto pinili ako nin Dios na maghulit kan Marahay na Bareta sa mga pagano, tanganing makadangog sinda kan ebanghelyo saka magtubod.

Mga Gibo 22:14

Nagsabi siya, ‘Pinili ka kan Dios nin satong mga ginikanan tanganing maaraman mo an saiyang kabotan, mahiling an saiyang banal na Sorogoon, asin madangog an saiyang tingog.

Efeso 2:13

Alagad ngunyan, huli ki Jesu-Cristo, kamo na harayo kaidto, irinani huli sa dugo ni Cristo.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

Kapahayagan 1:6

Ginibo niya kitang kahadean nin mga padi na maglilingkod sa saiyang Dios asin Ama. Ki Jesu-Cristo an kamurawayan saka an kapangyarihan sagkod pa man! Amen.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.