Mga Bilang 16:47 - Marahay na Bareta Biblia

⁴⁷ Kaya siring sa sinabi ni Moises, kinua ni Aaron an saiyang insensaryo asin duminalagan pasiring sa tahaw kan mga tawo. Kan nahiling niyang nagpoon na an peste, ibinugtak niya sa baga an insenso asin ginibo niya an seremonya nin paglinig sa banwaan.

Mga Bilang 16:47 ပူးပေါင်းရင်းမြစ်များ

Salmo 106:29

Huli kan saindang mga gibo, pinaanggot ninda an Kagurangnan; kaya uminabot sainda an mangirhat na helang.

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mga Bilang 16:48

Napaontok kaini an peste, asin nagtindog si Aaron sa pagultanan kan mga buhay asin kan mga gadan.

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

Roma 12:21

Dai ka magpadaog sa maraot, kundi daogon mo an maraot sa paggibo nin marahay.