Mga Bilang 16:42 - Marahay na Bareta Biblia

⁴² Kan nagkatiripon na sinda gabos tanganing magprotesta ki Moises saka ki Aaron, nagsalingoy sinda sa Tabernakulo asin nahiling ninda na tinahoban idto kan panganoron dangan tuminunga an kamurawayan nin Kagurangnan.

Mga Bilang 16:42 ပူးပေါင်းရင်းမြစ်များ

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Exodo 16:7

Sa aga mahihiling nindo an kamurawayan nin Kagurangnan bilang kasimbagan niya sa saindong mga reklamo saiya; huli ta siisay man baya kami na pagreklamohan nindo?”

Exodo 24:16

An kamurawayan nin Kagurangnan nag-ontok sa Bukid nin Sinai. Sa paghiling kan mga Israelita, an kamurawayan nin Kagurangnan arog sa malaad na kalayo sa alitoktok kan bukid. Anom na aldaw na natahoban nin panganoron an bukid. Sa ikapitong aldaw, hale sa panganoron, inapod nin Kagurangnan si Moises.

Levitico 9:23

Naglaog sa Tabernakulo si Moises saka si Aaron; pagluwas ninda, benendisyonan ninda an mga tawo. Nahiling kan mga tawo an kamurawayan nin Kagurangnan.

Mga Bilang 14:10

Boot kan bilog na komunidad na gapoon sinda sagkod na magadan, alagad biglang nahiling kan mga tawo sa Tabernakulo an kamurawayan nin Kagurangnan.

Mga Bilang 16:19

Tinipon ni Kora an bilog na komunidad asin nag-atubang ki Moises saka ki Aaron sa pintoan kan Tabernakulo. Dangan nagpahiling an kamurawayan nin Kagurangnan sa bilog na komunidad.

Mga Bilang 16:43

Nagduman si Moises saka si Aaron sa atubangan kan Tabernakulo.

Mga Bilang 20:2

Mayo nin tubig sa pinagkampohan ninda, kaya pinalibotan kan mga tawo si Moises saka si Aaron

Mga Bilang 20:6

Binayaan sinda ni Moises saka ni Aaron asin nagpasiring sa pintoan kan Tabernakulo. Nagdapa sinda sa daga, asin nagpahiling sainda an kamurawayan nin Kagurangnan.