Mga Bilang 16:33 - Marahay na Bareta Biblia

³³ Kaya nalubong sindang buhay kaiba an saindang mga pagsadiri. Suminera an daga sagkod dai na sinda nahiling kan mga Israelita.

Mga Bilang 16:33 ပူးပေါင်းရင်းမြစ်များ

Salmo 141:7

Siring sa kahoy na tinitiak asin binabaak, an saindang mga tolang iwawarak sa ngoso kan Sheol.

Salmo 143:7

Paghumare sa pagsimbag sako, Kagurangnan! Pinanluluya an sakuyang espiritu! Hare pagtagoa sako an lalawogon mo, tibaad makaarog ako sa mga nahulog sa lulubngan.

Salmo 55:15

An kagadanan dumatong logod sa mga kaiwal; sa Sheol buhay pa sindang makaduman, huli ta yaon sa saindang mga harong an karatan, sa saindang mga puso siring man.

Salmo 55:16

Alagad ako namimibi sa Dios; asin ililigtas ako nin Kagurangnan.

Salmo 55:23

Alagad an mga paragadan asin mga madaya isusubol nin Dios sa saindang lulubngan, bago magkabangaan an mga aldaw nin saindang buhay. Alagad ika an sakong sasarigan.

Salmo 69:15

Hare pagtugot na lantopan ako kan baha; hare pagtugot na halonon ako kan kairaroman, o matambonan sa lulubngan.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Isaias 14:15

Alagad ibinaba ka sa pinakahararom na kabtang kan kinaban kan mga gadan.

Isaias 14:9

“An kinaban kan mga gadan nag-aandam sa pagsabat kan hade nin Babilonia. Pinupukaw kaiyan an mga kalag kan mga dating mapangyari sa kinaban. Pinapatindog kaiyan an mga kalag kan mga hade na nagtutukaw sa saindang mga trono.

Isaias 38:18

Mayong makakaomaw saimo sa kinaban kan mga gadan; dai makakasarig sa saimong kaimbodan an sarong gadan.

Ezekiel 31:14

Kaya magpoon ngunyan, maski marahay an patubig, mayo nang kahoy na mahalangkaw nin marahay saka mapaabot kan saiyang poro sa mga panganoron. Gabos iyan magagadan arog sa mga tawo; gabos natatalaga sa pakiiba sa mga yaon sa kinaban nin mga gadan.”

Ezekiel 32:18

“Aki nin tawo, magmondo ka para sa dakul na Egipcio. Isubol mo sinda sa kinaban kan mga gadan kaiba kan mga taga ibang nasyon.

Ezekiel 32:30

“Yaon duman an gabos na prinsipe sa amihan; siring man an mga taga Sidon. Mapangyari sinda asin nanakot kaidto, alagad ngunyan naglusad sindang dara an kasosopgan kaiba kan mga nagkagaradan. Sinda bakong diosnon na mga tawo, na dara an kasosopgan kan maglusad sa kinaban kan mga gadan kaiba kan mga nagkagaradan.

Mga Bilang 16:32

asin hinalon sinda kaiba an saindang mga pamilya, an mga tawohan ni Kora sagkod an gabos nindang pagsadiri.

Mga Bilang 16:34

Nagdurulag an bilog na banwaan nin Israel kan madangog an saindang inagrangay. Nagkururahaw sinda, “Magharale kita digdi ta tibaad halonon man kita kan daga!”

Mga Bilang 22:33

Alagad nahiling ako kan saimong asno asin nagliklik siya nin makatolo. Kun dai idto ginibo kan asno, nagadan taka kuta asin pinabayaan kong mabuhay an asno.”

Mga Bilang 26:11

Alagad dai ginadan an mga aking lalaki ni Kora.)

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.