Mga Bilang 16:29 - Marahay na Bareta Biblia

²⁹ Kun an mga tawong ini magadan sa natural na paagi, na mayo nin padusa hale sa Dios, nangangahulogan iyan na dai ako sinugo nin Kagurangnan.

Mga Bilang 16:29 ပူးပေါင်းရင်းမြစ်များ

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

1 Mga Hade 22:28

Nagsabi si Micaias, “Kun makabalik kang ligtas sa pag-alaman, an Kagurangnan dai mananggad nagtaram sa paagi ko!” Asin nagsabi pa siya, “Pagdangog kamo gabos!”

2 Mga Cronica 18:27

Nagsabi si Micaias, “Kun ika makabalik nin tiwasay, an Kagurangnan dai mananggad nagtaram sa paagi ko!” Nagsabi pa siya, “Hinanyoga nindo gabos an sakong itinaram!”

An Libro ni Job 35:15

Naghohona ka na dai nagpapadusa an Dios, na dai niya pinapahalagahan an kasalan.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Parahulit 3:19

Huli ta pareho an palad kan mga tawo asin kan mga hayop; pareho man sinda magagadan. Pareho man an saindang hinangos; mayo nin kalaenan an tawo sa hayop. Huli ta an buhay mayo nin halaga para sainda.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Mga Panambitan 4:22

An Sion nagbayad na kan saiyang kasalan; hahaleon na kami nin Kagurangnan sa pagkatapokan. Alagad, O Edom, papadusahan ka nin Kagurangnan; ihahayag niya an saimong mga kasalan.

Kapahayagan 11:5

Kun may magkulog sainda, maluwas an kalayo sa saindang ngoso na matomtom sa saindang mga kaiwal; sa paaging ini, an siisay man na magkulog sainda, magagadan.