Mga Bilang 16:28 - Marahay na Bareta Biblia

²⁸ Sinabihan ni Moises an mga tawo, “Sa paaging ini maaaraman nindo na sinugo ako nin Kagurangnan tanganing gibohon an mga bagay na ini, asin bako ko ining sadiring kagustohan.

Mga Bilang 16:28 ပူးပေါင်းရင်းမြစ်များ

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Exodo 4:12

Kaya lakaw na! Tatabangan takang magpahayag asin tutukdoan taka kan sasabihon mo.”

Exodo 4:15

Kaolayon mo siya asin sabihan mo kan dapat niyang itaram. Pareho ko kamong tatabangan sa pagtaram asin tutukdoan kan saindong gigibohon.

Exodo 7:9

“Kun an hade magpagibo saindo nin ngangalasan bilang patotoo na sinugo ko kamo, sabihan mo si Aaron na itapok an saiyang sugkod sa atubang kan hade asin magigin halas an sugkod.”

Jeremias 23:16

Nagtaram an Kagurangnan nin mga hukbo sa mga taga Jerusalem, “Dai nindo pagdangogon an mga sinasabi saindo kan mga propeta; nagtutukdo sinda saindo kan mga paglaom na mayo nin halaga. Nagtataram sinda nin mga bisyon na hale sa sadiri nindang kaisipan asin bakong hale sako.

Ezekiel 13:17

Nagtaram an Kagurangnan, “Ngunyan, aki nin tawo, hilinga an mga babae sa saimong banwaan na nagpopropesiya sa sadiri nindang isip. Magpropesiya ka laban sainda,

Zacarias 2:9

“An Kagurangnan mismo an makikilaban saindo, asin sasamsaman kamo kan banwaan na dati nindong mga sorogoon.” Kun mangyari na iyan, maaaraman kan gabos na an Kagurangnan nin mga hukbo iyo an nagsugo sako.

Zacarias 4:9

Nagsabi siya, “Ibinugtak na ni Zerubabel an pundasyon kan Templo, asin tataposon niya iyan. Kun mangyari na iyan, maaaraman kan sakong banwaan na ako an nagsugo saimo sa sainda.

Mga Bilang 24:13

maski na itao mo sako an gabos na plata saka bulawan sa saimong palasyo, dai ko pwedeng lapason an pagboot nin Kagurangnan. Dai ko magigibo an sadiri kong kabotan. An itinaram sako nin Kagurangnan iyo sana an sakong sasabihon.”

Juan 11:42

Aram ko na danay mo akong dinadangog, alagad sinasabi ko ini dahel sa mga tawong uya digdi nganing magtubod sinda na sinugo mo ako.”

Juan 14:11

Magtubod kamo na ako, nasa Ama asin an Ama nasa sako. Kun dai, magtubod kamo sako huli sa mga ginigibo ko.

Juan 5:30

“Sa sadiri kong kapangyarihan mayo akong magiginibo. Naghuhukom ako sosog sana sa itinataram sako nin Dios, kaya an paghukom ko matanos; dai ko ginigibo an kabotan ko kundi an kabotan kan nagsugo sako.

Juan 5:36

Alagad igwa nin nagsasaksi sako na labi pa sa pagsaksi ni Juan: an mga gibo na ipinapagibo sako kan sakuyang Ama an nagsasaksi na sinugo niya ako.

Juan 6:38

huli ta naghilig ako hale sa langit nganing gibohon an kabotan kan nagsugo sako, bakong an kabotan ko.

Deuteronomio 18:22

Kun an sarong propeta magtaram sa ngaran nin Kagurangnan, dangan dai magkatotoo an saiyang sinabi, kun siring, bako iyan mensahe nin Kagurangnan. Nagtaram an propetang iyan sa saiyang sadiring kapangyarihan, asin dai kamo dapat na matakot saiya.