Mga Bilang 16:18 - Marahay na Bareta Biblia

¹⁸ Kaya kinua kan lambang saro an saiyang insensaryo dangan binugtakan nin baga saka insenso. Pakatapos, nagtindog sinda sa pintoan kan Tabernakulo kaiba si Moises saka si Aaron.

Mga Bilang 16:18 ပူးပေါင်းရင်းမြစ်များ

2 Mga Cronica 26:16

Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

Levitico 16:12

Makua siya nin insensaryo na pano nin baga na hale sa altar saka duwang gugom nin pinong insenso. Dadarahon niya ini duman sa Kabanal-banaleng Lugar

Levitico 16:13

dangan sa atubang nin Kagurangnan, ibubugtak niya sa baga an insenso tanganing tahoban kan aso kan insenso an takop kan Kaban nin Tipan, tanganing dai niya iyan mahiling asin dai siya magadan.

Mga Bilang 16:17

An lambang saro saindo, madara kan saiyang insensaryo na binugtakan nin insenso, dangan darahon niya iyan sa altar.”

Mga Bilang 16:19

Tinipon ni Kora an bilog na komunidad asin nag-atubang ki Moises saka ki Aaron sa pintoan kan Tabernakulo. Dangan nagpahiling an kamurawayan nin Kagurangnan sa bilog na komunidad.

Mga Bilang 16:37

“Sabihan mo si Eleazar, na aking lalaki kan pading si Aaron, na haleon sa mga bangkay kan nagkasurulo an mga bronseng insensaryo asin iwarak sa harayo an mga baga huli ta banal an mga insensaryo.

Mga Bilang 16:48

Napaontok kaini an peste, asin nagtindog si Aaron sa pagultanan kan mga buhay asin kan mga gadan.