Mga Bilang 16:16 - Marahay na Bareta Biblia

¹⁶ Sinabihan ni Moises si Kora, “Mag-atubang kamo sa Kagurangnan sa aga, ika asin an dos syentos singkwenta mong parasunod; siring man si Aaron.

Mga Bilang 16:16 ပူးပေါင်းရင်းမြစ်များ

Exodo 16:9

Sinabihan ni Moises si Aaron, “Sabihan mo an bilog na komunidad nin mga Israelita na magdigdi asin magtindog sa atubang nin Kagurangnan, huli ta nadangog niya an saindang mga reklamo.”

Mga Bilang 12:4

Biglang nagtaram an Kagurangnan ki Moises, ki Aaron asin ki Miriam, “Magduman kamong tolo sa Tabernakulo.” Nagduman sinda

Mga Bilang 16:15

Naanggot nin marahay si Moises dangan nagsabi sa Kagurangnan, “Dai mo pag-akoon an ano man na dolot na dadarahon kan mga lalaking ini. Dai ako naggibo nin maraot sainda; dai ako nagkua minsan saro kan saindang mga asno.”

Mga Bilang 16:17

An lambang saro saindo, madara kan saiyang insensaryo na binugtakan nin insenso, dangan darahon niya iyan sa altar.”

2 Timoteo 2:14

Pagiromdomon mo kaini an mga paratubod asin patanidan mo sinda sa atubang nin Dios na dai magparadiriskutiran dapit sa mga tataramon, huli ta dai man iyan nagtatao nin karahayan, kundi minaraot sana kan mga nagdadangog.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 12:7

Tindog kamo sa saindong namumugtakan, asin susudyaon ko kamo sa atubangan nin Kagurangnan huli sa pagpagiromdom saindo kan mapangyaring gibo nin Kagurangnan sa pagligtas saindo asin sa saindong mga ginikanan.