Mga Bilang 16:14 - Marahay na Bareta Biblia

¹⁴ Dai mo pa ngani kami nadadara sa sarong daga na mayaman sa gabos na bagay asin dai pa natatawan nin pamanang mga oma saka mga ubasan, dangan ngunyan boot mo kaming dayaon. Dai kami madiyan!”

Mga Bilang 16:14 ပူးပေါင်းရင်းမြစ်များ

Exodo 22:5

“Kun an sarong tawo magpasabsab kan saiyang mga hayop sa sarong oma o ubasan o kun binutasan niya an saiyang mga hayop asin nanabsab ini sa oma kan iba, an ano man na naraot sa oma babayadan kan kagsadiri kan hayop; ibabayad niya an pinakamarahay na produkto hale sa saiyang oma o ubasan.

Exodo 23:10

“Anom na taon kamong magtatanom sa saindong daga asin mag-aani kan bunga kaiyan.

Exodo 23:11

Alagad sa ikapitong taon pabayaan nindo an daga asin dai nindo pag-anihon an ano man na magtalubo diyan tanganing may makakan an mga dukha, asin an matada makakan kan mga lalaw na hayop. Arog man kaiyan an saindong gibohon sa saindong ubasan saka olibahan.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Levitico 20:24

Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Mga Bilang 13:27

Nagsabi sinda ki Moises, “Siniyasat mi an daga asin nahiling ming matubang idto; uya an mga prutas na kinua mi duman.

Mga Bilang 14:8

Kun nawiwili sato an Kagurangnan dadarahon niya kita duman asin itatao niya sato an daga na mayaman sa gabos na bagay.

Mga Bilang 20:5

Tadaw ta hinale nindo kami sa Egipto asin dinara sa maraot na lugar na ini na mayong nabubuhay na ano man? Mayo digdi nin pagkakan; mayong higera, ubas o granada. Mayo minsan tubig na maiinom!”

Hukom 16:21

Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.

1 Samuel 11:2

Nagsimbag si Nahas, “Makikipagtipan ako saindo sa sarong kondisyon: huhulwaton ko an saindong toong mata tanganing masopogan an bilog na Israel.”