Mga Bilang 16:13 - Marahay na Bareta Biblia

¹³ Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 16:13 ပူးပေါင်းရင်းမြစ်များ

Exodo 1:11

Kaya nagbugtak sinda nin mga makuring parapamahala tanganing pasakitan an mga Israelita sa paagi nin mga magabat na trabaho. Ipinatugdok sa sainda kan hade an Pitom asin Rameses, mga syudad na sarayan kan mga pagkakan asin kagamitan.

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

Exodo 17:3

Alagad paha nang marahay an mga tawo asin padagos sa pagreklamo ki Moises. Olay ninda, “Tadaw ta ilinuwas mo kami sa Egipto? Tanganing gadanon kami sa paha sagkod an samong mga aki asin mga hayop?”

Exodo 2:14

Nagsimbag an lalaki, “Siisay an nagbugtak saimo na magin samong pamayo asin hukom? Ano, gagadanon mo man ako arog kan ginibo mo sa Egipcio?” Natakot si Moises asin nagsaboot, “Aram na palan an ginibo ko.”

Exodo 2:23

Pakalihis nin halawig na panahon, nagadan an hade nin Egipto, alagad an mga Israelita padagos na nasa kaoripnan. Kaya nag-agrangay sinda sa sobrang pagtios—inagrangay na nakaabot sa Dios.

Ezekiel 34:18

An iba saindo bako sanang nagkakakan kan marahay na sabsabon kundi tinitimaktimakan pa nindo an ibang mga sabsabon. Iniinom nindo an malinig na tubig, asin pinapalabog nindo an tubig na dai nindo iniinom!

Mga Bilang 11:20

kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Mga Bilang 11:4

Igwa nin mga dayuhan na nagbabaklay kaiba kan mga Israelita. An mga dayuhan nagkaigwa nin sobrang pagmawot na makakakan nin karne asin maski an mga Israelita nagpoon man magreklamo, “Kun igwa kutana kita nin makakakan na karne!

Mga Bilang 11:5

Sa Egipto daing bayad kitang nagkakan nin sira. Duman igwa kita nin mga pipino, melon, sibulyas asin mga bawang.

Mga Bilang 13:27

Nagsabi sinda ki Moises, “Siniyasat mi an daga asin nahiling ming matubang idto; uya an mga prutas na kinua mi duman.

Mga Bilang 14:2

Nagreklamo sinda ki Moises asin ki Aaron; olay ninda, “Marahay pang nagadan na kami duman sa Egipto o minsan digdi sa kalangtadan!

Mga Bilang 14:3

Ano ta dadarahon pa kita nin Kagurangnan sa dagang idto? Magagadan kita sa gera asin mabibihag an satong mga agom sagkod mga aki. Bako daw na mas marahay na magbalik kita sa Egipto?”

Mga Bilang 16:12

Dangan ipinaapod ni Moises si Datan saka si Abiram, alagad nagsabi sinda, “Dai kami madiyan!

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Mga Gibo 7:35

“Siya an Moises na isinikwal kan mga Israelita kan sabihon ninda, ‘Siisay an nagbugtak saimo na magin samong pamayo asin hukom?’ Siya an sinugo nin Dios na magin pamayo saka paraligtas, sa paagi kan anghel na nagpahiling saiya sa naglalaad na sadit na kahoy.