Mga Bilang 15:39 - Marahay na Bareta Biblia

³⁹ An mga kordon magigin mga pagiromdom, kaya sa panahon na mahiling nindo iyan, magigiromdoman nindo an gabos kong pagboot asin makuyog kamo kaiyan; dangan dai na kamo matalikod sako patin dai na kamo magibo kan gabos nindong magustohan.

Mga Bilang 15:39 ပူးပေါင်းရင်းမြစ်များ

1 Mga Hade 12:33

Kan ikakinseng aldaw kan ikawalong bulan, an aldaw na siya mismo an nagtalaan, nagduman siya sa Betel asin nagdolot nin sakripisyo sa altar sa pagselebrar kan pyesta na saiyang minukna para sa banwaan nin Israel.

An Libro ni Job 31:7

Kun nagsuhay ako sa tamang dalan o nagpadagka sa karatan, kun nadigtaan an sakong kamot nin kasalan,

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Salmo 73:27

Magagadan nanggad an mga harayo saimo; ginagadan mo an mga bakong maimbod saimo.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Mga Talinhaga 28:26

An nananarig sa sadiring kaisipan sarong lolong; alagad makakaligtas an naglalakaw sa dalan nin kadonongan.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Jeremias 9:14

Embes kaiyan, nagmatagas sinda saka nagsamba kan mga ladawan ni Baal arog kan itinukdo sainda kan saindang mga ama.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 6:12

magmaan kamo ta tibaad malingaw kamo sa Kagurangnan na nagligtas saindo sa Egipto, saen kamo nagin mga oripon.

Deuteronomio 8:11

“Dai nanggad nindo paglingawan an Kagurangnan na saindong Dios; kuyogon nanggad nindo an gabos niyang togon saka pagboot na itinatao ko saindo ngunyan na aldaw.

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.