Mga Bilang 15:31 - Marahay na Bareta Biblia

³¹ Isinikwal niya an tataramon nin Kagurangnan asin tuyo niyang linapas an saro kan mga pagboot nin Kagurangnan. Siya an babasolon kan saiyang kagadanan.

Mga Bilang 15:31 ပူးပေါင်းရင်းမြစ်များ

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

Salmo 107:11

dahel sa dai pagkuyog sa mga pagboot nin Dios, asin pagsikwal kan mga hatol nin Kahorohalangkawe.

Salmo 119:126

Panahon na tanganing maghiro ka, Kagurangnan, huli ta linalapas nin mga tawo an saimong katogonan.

Salmo 38:4

Huli ta nalalamos ako kan sakong mga kasalan; sarong kargang magabat para sako.

Exodo 30:33

An siisay man na maggibo nin lanang arog kaini o maglahid kaini sa bako man padi, dai na ibibilang na kaayon sa sakong banwaan.’”

Mga Talinhaga 13:13

An nagsisikwal kan marahay na hatol naghahanap nin karibokan, alagad an nagkukuyog kaiyan nakakalikay sa pag-alaman.

Isaias 30:12

Alagad iyo ini an sinasabi kan banal na Dios nin Israel, “Dai nindo pinapahalagahan an sinasabi ko saindo asin nananarig kamo sa dahas saka sa daya.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Levitico 26:15

Kun sayumahan nindo an sakuyang mga togon asin kaongisan nindo an sakuyang mga pagboot saka talikodan an sakong tipan,

Levitico 26:43

Alagad kaipuhan haleon ngona sinda sa daga tanganing mahingaloan iyan asin tanganing mabayadan ninda an padusa sa pagsuhay kan sakong mga togon saka mga pagboot.

Levitico 5:1

An mga minasunod na kaso nangangaipo nin mga dolot para sa kasalan. Kun igwa nin tawong inapod tanganing magsaksi sa hukoman manongod sa saiyang nadangog o nahiling, alagad habo niyang isabi, pagdudusahan niya iyan.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.

Deuteronomio 17:12

Gagadanon an siisay man na mangahas na maglapas kan pagboot kan hukom o kan padi na naglilingkod sa atubang nin Kagurangnan. Sa siring na paagi, mahahale an karatan na iyan sa Israel.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

2 Pedro 2:21

Mas marahay pa logod kun dai siya nakaaram kan dalan nin katanosan ki kan pakatapos na maaraman niya iyan, magtalikod siya sa banal na togon na itinao saiya.

1 Samuel 3:14

Kaya isinusumpa ko sa pamilya ni Eli na mayo nin atang o dolot na makakatubos sa kasalan na ini.”